Bullgaria ka një kapacitet të mirë për të rritur ndjeshëm prodhimin e municioneve dhe furnizimet për klientët e saj aktual nga BE, tha komisioneri evropian për tregun e brendshëm Tieri Breton për “Politico” pas vizitës së tij në Bullgari. “Vendet që kanë rezerva municionesh do të jenë në gjendje t’i japin ato Ukrainës dhe prodhuesit do të jenë në gjendje të rrisin prodhimin e tyre për të rimbushur ato rezerva. Për mua ishte shumë e rëndësishme që ta marr këtë garanci”, shtoi ai. I pyetur nga publikimi për “qëndrimin pro-rus të presidentit Rumen Radev”, komisioneri evropian u përgjigj se nuk sheh ndonjë rrezik të veçantë politik. Dhe i pyetur nëse është e rrezikshme të mbështetemi tek elita bullgare e cila është miqësore me Rusinë, Breton u shpreh se është i inkurajuar nga sinjalet pozitive nga kabineti. Ai theksoi se nuk shqetësohet për besueshmërinë e vendit tonë kur bëhet fjalë për rimbushjen e rezervave të municionit të vendeve të BE-së.

• Komisioneri evropian Tieri Breton vizitoi uzinën tonë më të madhe të armëve