10
Galeria e kryeqytetit "Sintezis" prezanton ekspozitën "Pasqyra dhe dritare: fotografi të zgjedhura nga koleksioni i Raffaello Kazakov". Hapja zyrtare është më 22 mars. Koleksioni ka nisur më shumë se tridhjetë vjet më parë, por për herë të parë po shfaqet për publikun. Ekspozita përfshin fotografi të autorëve me famë botërore si Edward Weston, Robert Frank, Elliot Irwitt, Ralph Gibson, Antanas Sutkus, si dhe fotografë të rëndësishëm bullgarë, duke përfshirë Garo Keshishjan, Jordan Jordanov - Juri dhe Stanka Conkova - Usha.

Koleksioni është një vazhdim i natyrshëm i punës së Raffaello Kazakov si fotograf, i jetës së tij mes Sofjes dhe Nju Jorkut. Nuk është rastësi që koleksioni kombinon foto të njohura nga historia e fotografisë me emra, vepra të miqve të tij dhe foto që lidhen me familjen e tij.

Në programin shoqërues të ekspozitës, do të shfaqen tre dokumentarë kushtuar tre fotografëve të përfshirë në koleksion - Robert Frank, Antanas Sutkus dhe Joel-Peter Witkin.

Raffaello Kazakov ka lindur në vitin 1963 në Sofje. Në vitin 1988 diplomohet për filologji angleze në Universitetin e Sofjes "Shën Kliment Ohridski", ndërsa në vitin 1994 merr diplomën e masterit për fotografi dhe art pamor në "SchoolofVisualArt"në Nju Jork. Ai është autor i ekspozitave të shumta në mbarë botën dhe veprat e tij gjenden në koleksionet e Galerisë Kombëtare të Arteve në Sofje dhe muzeumeve "Preus Fotomuseum" - Horten, Norvegji, "MuseumofFineArts" - Houston në SHBAdhe "Musee de la Photographie" – Charleroi në Belgjikë.
Përgatiti në shqip: Kostandina Bello
Fotografitë janë siguruar nga organizatorët.
Ylli i skenës bullgare, Silvija Tomova, ka përfunduar Akademinë Shtetërore të Baletit “A. J. Vaganova” në Shën Petersburg. Karriera e saj është e lidhur me Operën dhe Baletin Kombëtar, ku si primabalerinë ka interpretuar mbi 90 role në tituj klasikë..
Bashkëprodhimi bullgaro-anglez “Lojërat e Djallit” mori çmimin për “kinematografinë më të mirë” në Festivalin prestigjioz të Filmit Chelsea në New York. Kjo u njoftua në Facebook nga Konsullata e Përgjithshme e Bullgarisë në New York. Filmi..
“Vij në Bullgari për t’u mbushur me ndjenja të reja” – këtë na ndau Desisllava Cvetkova, e cila kaloi 14 vjet në kryeqytetet e Evropës së Bashkuar, duke punuar në administratën e Komisionit Evropian. Kohët e fundit Desisllava është përsëri në atdheun..