Raporti i ri vjetor i Departamentit të Shtetit të SHBA-së mbi respektimin e të drejtave të njeriut thekson se veprimet e qeverisë bullgare për të trajtuar korrupsionin dhe abuzimet e të drejtave të njeriut janë “të pamjaftueshme”. Në raportin e vitit 2022, që u paraqit të hënën, thuhet se në Bullgari u ndërmorën hapa për të hetuar zyrtarët e akuzuar për shkelje të të drejtave të njeriut dhe korrupsion, por kishte një problem mosndëshkimi. Ndër problemet e rëndësishme të vendit vihet re trajtimi “brutal” i grupeve të tilla si të burgosurit, emigrantët dhe fëmijët në institucione. Përmenden gjithashtu arrestime arbitrare, “probleme serioze” me pavarësinë e gjyqësorit, një nivel “serioz” korrupsioni dhe krime kundër pakicave, përfshirë etnike dhe seksuale. Si shembull i një arrestimi të paligjshëm, përmendet ndalimi i ish-kryeministrit Bojko Borisov, njofton korrespondenti i BNR, Mlladen Petkov.

Një nivel i lartë i ndikimit politik dhe ekonomik në media gjendet në kombinim me nivelet e larta të përqendrimit të pronësisë. Në publikimin e raporteve të të gjitha vendeve, Sekretari i Shtetit Antëni Blinken tha se raportet janë të bazuara në fakte dhe zbatohen të njëjtat standarde shkrimi.