Zëvendëskryeministrja ukrainase Irina Vereshçuk u bëri thirrje rusëve që të mos birësojnë fëmijët që u rrëmbyen dhe u dëbuan nga Ukraina gjatë luftës aktuale, njoftoi Reuters. Gjykata Ndërkombëtare Penale në Hagë lëshoi kohët e fundit një urdhër arresti për presidentin Vlladimir Putin dhe komisioneren për të Drejtat e Fëmijëve Maria Llvov-Bellova, duke i akuzuar ata për kryerjen e një krimi lufte në lidhje me dëbimin e paligjshëm të qindra fëmijëve. “U kujtoj të ashtuquajturve prindër dhe birësues rusë, që herët a vonë do të mbani përgjegjësi”, theksoi Vereshçuk. Në një fjalim para Parlamentit Evropian, presidentja e Komisionit Evropian, Ursula von der Leyen, bëri thirrje që të bëhen përpjekje shtesë për të zbuluar vendndodhjen e fëmijëve ukrainas të rrëmbyer nga forcat ruse. Sipas të dhënave të Ministrisë ukrainase të Riintegrimit të Territoreve të Pushtuara, deri më tani 19 514 fëmijë u dëbuan ilegalisht nga vendi.
Forcat e armatosura të Ukrainës ranuan se ushtria ruse dhe kompania private ushtarake Wagner bënë përparim në përpjekjet e tyre për të kapur Bahmutin, njoftoi Reuters. Në të njëjtën kohë, Shtabi i Përgjithshëm thekson se mbrojtësit po mbajnë qytetin dhe kanë zmbrapsur një numër të madh sulmesh.
Agjencia Ndërkombëtare e Energjisë Atomike po zhvillon një koncept të ri për mbrojtjen e centralit bërthamor në Zaporozhie, i cili është nën kontrollin e forcave ruse, njoftoi udhëheqësi i saj, Rafaell Grosi gjatë vizitës së tij në termocentral. France Press citoi fjalët e tij se po bëhet një përpjekje për të gjetur një kompromis mes Moskës dhe Kievit: “Po përpiqem të përgatis propozime realiste që do të pranohen nga të dyja palët”. Sipas Grosit, aktiviteti ushtarak në zonën e centralit u rrit.
Në Këshillin Evropian, Bullgaria do të insistojë që në miratimin e Konkluzioneve të takimit të përfshihet teksti për Republikën e Maqedonisë së Veriut, njoftoi shërbimi për shtyp i qeverisë. Kryeministri në detyrë Dimitër Gllavçev përfaqëson vendin..
Mbi 30 shkencëtarë nga 12 vende po marrin pjesë në Forumin Ndërkombëtar cirilik “Alfabeti, gjuha, identiteti”. Ai filloi në Pallatin Kombëtar të Kulturës në Sofje më 27 qershor me iniciativën e nënpresidentes Ilijana Jotova dhe me mbështetjen e..
Drejtoria e Përgjithshme për Luftimin e Kriminalitetit të Organizuar mori pjesë në një operacion ndërkombëtar të drejtuar nga autoritetet franceze, ku u bllokua një faqe e cilësuar si kanal komunikimi i grupeve të organizuara kriminale, njoftoi..
Ministrja maqedonase e energjisë, Sanja Bozhinovska, nuk ka deklaruar se ka shtetësi bullgare dhe çeke. Kjo nuk është një temë për të cilën do të..
Presidenti Rumen Radev ia dorëzoi mandatin e parë eksplorues për formimin e qeverisë Rosen Zheljazkovit. Ai është kandidati për kryeministër i propozuar..
Ditën e martë do të mbajë mot me diell dhe i nxehtë në pjesën më të madhe të vendit. Pas mesditës dhe pasdite do të mbajë vranësira mbi Bullgarinë..