“Nuk po komentoj thashetheme apo shkrime, ka shumë të ngjarë që ky të jetë një shpallje e emrave për të parë reagimet.” Kështu, lideri i GERB-it Bojko Borisov komentoi njoftimet e mediave se koalicioni “Po e vazhdojmë ndryshimin - Bullgaria Demokratike” (PP-DB) do t’u ofrojë pozita tri ish-ministrave në projekt-kabinetin - Nikollaj Denkov për kryeministër, Asen Vasilev për ministër të financave dhe Kirill Petkov për zëvendëskryeministër, përgjegjës për shërbimet si dhe Atanas Atanasov për ministër të brendshëm.

Deputeti i PP-DB-së, Daniell Llorer, megjithatë i cilësoi emrat e qarkulluar në shtyp si thashetheme dhe theksoi se koalicioni ende nuk ka diskutuar për emrat e një qeverie të mundshme të ardhshme.

Borisov theksoi se nuk ka kryeministër më të përgatitur se ai, por ai u tërhoq nga rreshti i parë për t’i dhënë një shans për të formuar një qeveri. Sipas tij, shembullin e tij duhet ta ndjekin ish-kryeministri Kirill Petkov dhe ish-ministri i financave Asen Vasilev, për të krijuar një “kabinet ekspertësh në bazë të programit, të bazuar në përgjegjësi dhe ai të qeverisë katër vjet”.

• GERB fillon shqyrtimin e programit qeverisës të PP-DB sipas sektorëve