7
Në qytetin Jakoruda (Bullgaria Jugperëndimore), përgatitja për një nga festat tona më të njohura - Ditën e Shën Gjergjit - fillon një ditë më parë, më 5 maj, kur herët në mëngjes nuset dhe dhëndrit nxjerrin qilimat shumëngjyrëshe nga sëndukët, me të cilat dekorojnë qytetin për festën. Dhe në mbrëmje, para se të perëndojë dielli, të veshur me kostumet e dekoruara tradicionale të rajonit, amatorët artistikë të qendrës kulturore "Svetlina - 1907" në qytet shkojnë në shesh për të rikrijuar zakonin e lashtë të "Zhytjes së buqetave", i cili është i lidhur me besimin e popullit në të mirën dhe shpresën për shëndet e pjellori.
“Bëhet fjalë për një tufë lulesh pranverore, të lidhura me një fije të kuqe në një shishe të vogël, të cilën e zhytim në një enë balte, shpjegon Iva Rashkova në një intervistë për Radio Bullgarinë. – Pas kësaj mbi enët në fjalë derdhet ujë.”
Gratë e moshuara këndojnë këngën "Shën Gjergji", e cila interpretohet vetëm në këtë festë dhe vajzat e paralindura në familje fillojnë të zhytin buqetat rreth një ikone të Shën Gjergjit.
“Të nesërmen, përsëri para se të perëndojë dielli, fillojmë të heqim buqetat – po vazhdon Iva Rashkova. - Por këtë herë nuk është fëmija i parëlindur, por ai që ka lindur i fundit në familje duke i bërë urime çdo njeriu që e merr buqetën. Zakonisht urimet janë për shëndet, lumturi, pjellori. Pas marrjes së buqetave, vajzat dhe nuset lajnë fytyrat e tyre që të jenë të bardha dhe të kuqe, kurse zonja e shtëpisë ua çon buqetën në shtëpi, duke e varur lart që të “rritet lart” fati i shtëpisë. Me ujin e shishes spërkatet për shëndetin e njerëzve, shtëpisë dhe kafshëve”.
Zakoni i “Zhytjes së Buqetave” përfundon me dëfrim popullor në vetë Ditën e Shën Gjergjit (6 maj). Është interesante të theksohet se kjo festë në Jakoruda festohet së bashku nga myslimanët dhe të krishterët bullgarë.
"Të gjithë qytetarët e Jakorudës shkojnë në kishën "Shën Gjergji Fitimtar" në periferi të qytetit, e cila ndodhet në vendin e Jakorudës së vjetër, të djegur në vitin 1666. Bëhen kurbane për shëndetin e të gjithë njerëzve. Dhurohen qengja si nga të krishterët, ashtu edhe nga myslimanët - thekson Iva Rashkova. – Pas kurbanit të përbashkët fillon argëtimi, me të cilin kremtojmë të gjithë së bashku festën e Shën Gjergjit”.
Shikoni gjithashtu:
Përgatiti në shqip: Vesella Mançeva
Foto: "Svetlina - 1907"
Në rrëzë të parkut pyjor të qytetit të Momçillgradit në malin е Rodopeve, zhvillohet edicioni i dytë i Farmfestës "Momçillgrad". Festivali i fermerëve u ofron vizitorëve të tij pjata të shijshme nga Rodopet, njohje me kafshët dhe racat vendase,..
Gjatë gjithë të shtunës, më 25 maj, rezervati arkeologjik Nikopolis ad Istrum pranë Veliko Tërnovos do të presë edicionin e shtatë të Festivalit Antik "Nike - loja dhe fitorja" . Këtë vit në ngjarje do të ketë pjesëmarrës nga Austria, Gjermania,..
Në ditën e tetë para Pashkëve, ne festojmë Ditën e Shën Llazarit. Është e para nga tre festat kryesore të krishtera që lidhen me mrekullinë e Ringjalljes, e ndjekur nga e Diela e Palmave dhe Pashkët. Festa festohet çdo vit në data të ndryshme, por..
Diell, re, shi, bubullime
Vranësira të dendura
Vranësira të ndryshueshme mundësi për reshje shiu