Shoqëria jonë shikon me skepticizëm gjendjen politike dhe ekonomike të Bullgarisë. Sipas një sondazhi global të bërë për 75-vjetorin e Asociacionit Botëror “Gallup International”, që mbulon rreth dy të tretat e popullsisë së botës, bullgarët e vlerësojnë situatën e sotme në mënyrë mjaft pesimiste. Megjithatë, opinioni i tyre nuk anon shumë nga vlerat mesatare të regjistruara për botën dhe për rajonin tonë. Sipas 37 për qind të bullgarëve të anketuar, liritë politike në vendin tonë sot janë të mjaftueshme, por saktësisht gjysma e bullgarëve mendojnë se liritë politike nuk janë të mjaftueshme. Pjesa tjetër nuk mund të gjykojë. Vetëm 14% e bashkëqytetarëve tanë të pyetur janë të mendimit se mundësitë ekonomike në vendin tonë sot janë të mjaftueshme, 76% shprehin një qëndrim të kundërt dhe pjesa tjetër nuk mund të përgjigjet.