Prokurori i përgjithshëm Ivan Geshev tha se do të kërkojë largimin e anëtarëve të Këshillit të Lartë Gjyqësor, të cilët, sipas tij, u përpoqën të bënin grusht shtetin në sistemin gjyqësor. Në një konferencë për mediat, Geshev tha se do të prezantojë informacionet që ka, por në një mbledhje të mbyllur të Këshillit të Lartë Gjyqësor për të “ruajtur prestigjin e gjyqësorit”. Më herët gjatë ditës së sotme, Geshev i dha shpjegime një prokurori mbikëqyrës në Prokurorinë e qytetit të Sofjes në rrjedhën e një hetimi bazuar në një raport të paraqitur kundër tij nga Borisllav Sarafov. Denoncimet ndaj tij Geshev i cilësoi si sulm ndaj shtetit dhe funksionimit normal të tij dhe theksoi se plotfuqia e kryeprokurorit është mit, si dhe fakti që prokuroria bullgare ruan dhe mbron dikë. Geshev shtoi se pas atentatit kundër tij, ai u bë objektiv i një sulmi mediatik dhe u vu në një situatë për të shpjeguar pse nuk u vra. Ivan Geshev theksoi se nuk mund të ketë shkelur detyrat e tij zyrtare, pasi ditët pas sulmit ishte në një udhëtim pune, ndërsa funksionet e kryeprokurorit i kryente zëvendësi i tij Borisllav Sarafov. Geshev gjithashtu tha se ai kurrë nuk kishte ndërmend të jepte dorëheqjen dhe veprimet kundër tij janë sulm ndaj sistemit gjyqësor bullgar.

• Stuhia në krye të prokurorisë është një sinjal i krizës në menaxhimin e shtetit