Kuvendi Popullor votoi dhe miratoi Akademikun Nikollaj Denkov kryeministër. 132 votuan “pro”, “kundër” 69, pa të abstenuar. Denkov mori mbështetje nga GERB-SDS (një “kundër”), PP-DB dhe DPS.
Struktura e kabinetit PP-DB dhe GERB-SDS u mbështet gjithashtu nga 132 deputetë, 69 ishin kundër dhe nuk pati asnjë abstenim.
Anëtarët e sapozgjedhur të Këshillit të Ministrave bënë betimin.
“Urime të gjithë bullgarëve, tani kemi një qeveri të rregullt! Po i kthejmë fuqinë republikës parlamentare!”, tha Kuvendin Popullor bashkëkryetari i PP Kirill Petkov. Ai shprehu shpresën për një mandat të plotë 4-vjeçar të kabinetit “Denkov-Gabriel”.
Qeveria mes dy forcave të para është më e qëndrueshme, e mbështetur nga të tjerët, komentoi kreu i GERB-it Bojko Borisov në parlament, pas zgjedhjes së kabinetit të rregullt. Në lidhje me akuzat e presidentit Rumen Radev ndaj kabinetit të ri, ai tha se presidenti duhet të jetë bashkues.
Kryetarja e BSP-së, Kornelija Ninova e cilësoi si “të pamoralshme” marrëveshjen e arritur për një kabinet mes dy forcave të para politike dhe njoftoi se nuk do t’u japë atyre 100 ditë tolerancë.
Presidenti Rumen Radev raportoi se qeveria e tij e pestë e përkohshme u përballua me të gjitha sfidat e rënda gjatë administratës së tij.
Në Këshillin e Ministrave u mbajt ceremonia për dorëzimin simbolik të qeverisjes nga kabineti i kryeministrit në detyrë Gëllëb Donev në qeverinë e re të rregullt. “Kur e morëm pushtetin shteti ishte në pauzë. Po dorëzojmë një vend me sisteme që funksionojnë mirë”, tha Donev, duke shprehur shpresën për vazhdimësi. “Nuk ka asgjë më normale se sa që parlamenti bullgar të miratojë një qeveri të rregullt e cila të përmbushë detyrimet e saj sipas Kushtetutës”, tha nga ana e tij Denkov. Ai shprehu habinë për faktin se zëvendësministrat nga kabineti zyrtar janë të liruar nga pozitat e tyre me urdhër të nënshkruar nga kryeministri në detyrë Gëllëb Donev. Kjo nuk përputhet me dëshirën e deklaruar për vazhdimësi, theksoi Denkov.
Foto: BGNES, BTA
Kryeministri në detyrë Dimiër Gllavçev, i cili ndodhet në SHBA për Samitin në Nju Jork, në Çikago u takua me biznesmenë, përfaqësues të organizatave të ndryshme, shkollave dhe qendrave kulturore bullgare. Ai përgëzoi përfaqësuesit e komunitetit më të..
Komisioni Evropian miratoi transferimin e 90 milionë eurove të pashfrytëzuara nga vendi ynë nga periudha e mëparshme financiare në kuadër të Programit për Zhvillimin e Zonave Rurale, njoftoi ministri në detyrë i bujqësisë, Georgi Tahov, i..
Në një takim në Nju Jork me sekretarin e shtetit të SHBA-së për Evropën dhe Euroazinë, James O'Brien, ministri i jashtëm në detyrë Ivan Kondov ngriti çështjen e përfshirjes së Bullgarisë në programin e udhëtimit pa viza të Shteteve të Bashkuara...
Bullgaria mbështet misionin fisnik të OKB-së dhe politikat e zhvillimit, jo konfliktet ushtarake për të përcaktuar të ardhmen e njerëzimit. Kështu..
Në Komisionin Qendror të Zgjedhjeve (KQZ) u përcaktuan me short numrat në fletën e votimit mes partive dhe koalicioneve të regjistruara për..
Me iniciativën e Këshillit të Evropës, Dita Evropiane e Gjuhëve festohet çdo vit më 26 shtator. Nisma, e mbështetur nga Komisioni Evropian dhe..