Fëmijët dhe prindërit e tyre do të kenë mundësinë të propozojnë idetë e tyre për menaxhimin e Sofjes, në kuadër të ekspozitës interaktive "Qyteti", e cila mund të shihet në Qendrën Shkencore për Fëmijë "Muzejko". Deri më 30 shtator, në hapësirën e ekspozitës së përkohshme, vizitorët do të mund të ndajnë vizionin e tyre për kryeqytetin – si ta bëjnë atë më të gjelbër, më të pastër dhe më të qetë, por edhe më tërheqës. Ekspozita, theksi i së cilës është rëndësia e planifikimit urban dhe mënyra se si ai ndikon në cilësinë e jetës në qytetet tona, është zhvilluar dhe realizuar nga arkitektja Magdalina Rëzheva dhe Punishtja e Arkitekturës për Fëmijë. Qëllimi është që të ngrihen çështje të rëndësishme para vizitorëve lidhur me planifikimin urban dhe mjedisin, duke inkurajuar pjesëmarrjen dhe angazhimin e tyre aktiv, thonë organizatorët.

• “Muzeiko” apo kur shkenca bëhet lojë

Përpiloi: Darina Grigorova

Përgatiti në shqip: Vesella Mançeva