Përfaqësues të disa formacioneve politike paraqitën në parlament një projekt-deklaratë që mbështet anëtarësimin e Ukrainës në NATO. Në mesin e nënshkruesve të dokumentit janë liderët e GERB-it Bojko Borisov, i “Bullgarisë Demokratike” Atanas Atanasov dhe Hristo Ivanov dhe i Lëvizjes për të Drejtat dhe Liritë (DPS) Mustafa Karadajë, kryetari i grupit “Ka një popull të tillë” Toshko Jordanov. “Po e vazhdojmë ndryshimin” deklaroi gjithashtu mbështetje për tekstin e propozuar. Në deklaratë theksohet se pritet nga qeveria, përfshirë në samitin e ardhshëm të NATO-së në Vilnius, të mbështesë anëtarësimin e Ukrainës në aleancë pasi të rivendoset paqja në territorin e saj. Aleatëve u kërkohet të shfrytëzojnë forumin për të përshkruar parametra të qartë për rrugën e anëtarësimit të Ukrainës në NATO.