Dita ndërkombëtare pa qese plastike festohet sot, 3 korrik. Nisma daton në vitin 2009 me mbështetjen e Shoqatës Globale për Alternativat e Djegiеs (GAIA) dhe organizatës evropiane “Mbeturina Zero Evropa” ("Zero Waste Europe"), me synimin për të rritur ndërgjegjësimin e shoqërisë për dëmin e qeseve plastike në mjedis dhe për të inkurajuar njerëzit për të mos i përdorur ato.

Artistët janë gjithmonë ndër të parët që qëndrojnë pas kauzave të tilla që lidhen me kujdesin për të ardhmen e njerëzimit. Mes tyre është edhe Lili Geleva, e cila në vitin 2018 realizoi këngën e saj autore “Letër në shishe”. Kënga dhe videoklipi me regji të Dimitris Georgiev përfaqësojnë një fushatë sociale kundër ndotjes plastike dhe shtrojnë pyetjen se çfarë gjurmë lëmë, cila është përgjegjësia personale e secilit prej nesh.

Në videoklipin e këngës marrin pjesë disa nga aktorët, regjisorët dhe muzikantët më të njohur bullgarë.