Me debate të mprehta parlamenti vendosi tërheqjen e koncesionit të portit Rosenec nga “Llukoill Neftohim Burgas” me procedurë të përshpejtuar. Kjo është bërë me ndryshimet e miratuara në Ligjin për Kontrollin e Zbatimit të Masave Kufizuese në funksion të veprimeve të Rusisë që destabilizojnë situatën në Ukrainë.

Propozimin e bënë GERB-SDS, PP-DB dhe Lëvizja për të Drejtat dhe Liritë (DPS). Sipas tyre, ndërprerja e koncesionit do të ndalojë mundësinë që Rusia të përdorë infrastrukturën bullgare për financimin e luftës.

Daniell Llorer nga PP-DB, deklaroi se ndërprerja e koncesionit bazohet në regjimin e sanksioneve pan-evropiane.

BSP dhe “Vëzrazhdane” e kundërshtuan. “A jeni në dijeni të shumës që do të duhet të paguajmë nëse ata bëjnë një padi kundër nesh”, pyeti Borisllav Gucanov nga BSP.