Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dhuna sadiste ndaj një vajze ekspozoi problemet e drejtësisë bullgare

Rasti shkaktoi një reagim të fortë në shoqërinë bullgare brenda dhe jashtë vendit

Gjykata, Stara Zagora
Foto: Emill Ençev

Nga ora 18:00 para gjykatave në mbi 40 qytete të vendit dhe para ambasadave bullgare në Berlin, Paris dhe Kopenhagë (nga ora 20:00 me orën lokale) organizohen protesta në mbështetje të një vajze të dhunuar sadist më 26 qershor.

Për krijuesin 26-vjeçar Georgi Georgiev, Prokuroria e Qarkut të qytetit Stara Zagora do të kërkojë masë të përhershme “paraburgim”. Ai u arrestua sërish për kërcënime ndaj viktimës të dërguara përmes aplikacioneve telefonike.

“Vajza ime është e burgosur në makthet e veta”, thotë nëna e vajzës së dhunuar. Para BNR-së, ajo apeloi “që ligjet të ndryshohen realisht dhe që kur ka një sulm ndaj një personi, të mos ketë dënim me kusht”. Psikologë po punojnë me vajzën e plagosur. Sipas nënës dëmi psikologjik dhe emocional është shumë i madh. Ajo supozon se ajo që i ndodhi vajzës së saj ishte një tentativë vrasjeje.

Shoqëria bullgare është tërbuar nga vendimet joadekuate të gjyqësorit kundër krimit. Pas thyerjes së hundës së viktimës me goditje, ajo është lidhur dhe prerë mbi 400 herë në trup dhe fytyrë me thikë dhe në fund flokët i janë rruar deri në lëkurë. Por, gjykata vendosi se bëhet fjalë për “lëndim të lehtë trupor”.

Raportuesja e rastit, gjyqtarja Tatjana Gioneva, në një konferencë për shtyp deklaroi se “përfundimi i ekspertizës mjeko-ligjore konstaton lëndime për çrregullim të përkohshëm të shëndetit dhe jo rrezik për jetën. Ligjvënësi këtë e cilëson si dëmtim të lehtë trupor”, tha magjistratja. Vendimi i gjykatës në rastin me vajzën e lënduar në Stara Zagora është i ligjshëm, tha kryetari i Gjykatës së Qarkut në Stara Zagora Krasimir Georgiev.

Kazusi shkaktoi një reagim të fortë publik, i cili rezultoi në protestën e planifikuar për 31 korrikun në dhjetëra vendbanime të vendit. Demonstrata në Sofje do të mbahet nën moton “Nuk do të heshtim. Ndaloni gjenocidin ndaj grave!”. Protesta në qendër të kryeqytetit do të jetë kundër cenimit të ekzistencës fizike dhe dinjitetit të çdo njeriu, tha organizatorja Silvia Stojçeva. Sipas saj, neglizhencës së rasteve të tilla duhet t’i jepet fund dhe të merren masa në kohë, përfshirë edhe ndryshimet ligjore.





Последвайте ни и в Google News Showcase, за да научите най-важното от деня!

Më shumë nga rubrika

Kreu i GERB flet për riformatimin e shumicës qeverisëse

Nuk do të kemi më kuorum në parlament. Kjo u deklarua nga Bojko Borisov, kreu i GERB, partisë që mban mandatin e qeverisë së zgjedhur nga shumica parlamentare. Fjalimi para grupit parlamentar të partisë dhe Kryeministrit Rosen Zheljazkov u transmetua..

botuar më 25-10-15 9.02.PD

Parashikimi i motit për 15 tetorin

Të mërkurën , temperaturat minimale do të jenë nga 6 deri në 11°, në Sofje - 7°. Gjatë ditës, vranësirat do të mbeten të konsiderueshme në pjesën më të madhe të vendit dhe në disa vende në Bullgarinë Lindore dhe në male do të ketë reshje, më të..

botuar më 25-10-14 7.15.MD

Shoqata Bullgare e Teknologjive të Informacionit mbushi 30 vjeç

Viti aktual 2025 është një vit jubilar për Shoqatën Bullgare të Teknologjive të Informacionit, e cila feston solemnisht 30-vjetorin e saj sonte. Duke folur për BTA, Kryetarja e Bordit të Drejtorëve të Shoqatës Irina Radoeva vuri në dukje se..

botuar më 25-10-14 5.55.MD