Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dhuna sadiste ndaj një vajze ekspozoi problemet e drejtësisë bullgare

Rasti shkaktoi një reagim të fortë në shoqërinë bullgare brenda dhe jashtë vendit

Gjykata, Stara Zagora
Foto: Emill Ençev

Nga ora 18:00 para gjykatave në mbi 40 qytete të vendit dhe para ambasadave bullgare në Berlin, Paris dhe Kopenhagë (nga ora 20:00 me orën lokale) organizohen protesta në mbështetje të një vajze të dhunuar sadist më 26 qershor.

Për krijuesin 26-vjeçar Georgi Georgiev, Prokuroria e Qarkut të qytetit Stara Zagora do të kërkojë masë të përhershme “paraburgim”. Ai u arrestua sërish për kërcënime ndaj viktimës të dërguara përmes aplikacioneve telefonike.

“Vajza ime është e burgosur në makthet e veta”, thotë nëna e vajzës së dhunuar. Para BNR-së, ajo apeloi “që ligjet të ndryshohen realisht dhe që kur ka një sulm ndaj një personi, të mos ketë dënim me kusht”. Psikologë po punojnë me vajzën e plagosur. Sipas nënës dëmi psikologjik dhe emocional është shumë i madh. Ajo supozon se ajo që i ndodhi vajzës së saj ishte një tentativë vrasjeje.

Shoqëria bullgare është tërbuar nga vendimet joadekuate të gjyqësorit kundër krimit. Pas thyerjes së hundës së viktimës me goditje, ajo është lidhur dhe prerë mbi 400 herë në trup dhe fytyrë me thikë dhe në fund flokët i janë rruar deri në lëkurë. Por, gjykata vendosi se bëhet fjalë për “lëndim të lehtë trupor”.

Raportuesja e rastit, gjyqtarja Tatjana Gioneva, në një konferencë për shtyp deklaroi se “përfundimi i ekspertizës mjeko-ligjore konstaton lëndime për çrregullim të përkohshëm të shëndetit dhe jo rrezik për jetën. Ligjvënësi këtë e cilëson si dëmtim të lehtë trupor”, tha magjistratja. Vendimi i gjykatës në rastin me vajzën e lënduar në Stara Zagora është i ligjshëm, tha kryetari i Gjykatës së Qarkut në Stara Zagora Krasimir Georgiev.

Kazusi shkaktoi një reagim të fortë publik, i cili rezultoi në protestën e planifikuar për 31 korrikun në dhjetëra vendbanime të vendit. Demonstrata në Sofje do të mbahet nën moton “Nuk do të heshtim. Ndaloni gjenocidin ndaj grave!”. Protesta në qendër të kryeqytetit do të jetë kundër cenimit të ekzistencës fizike dhe dinjitetit të çdo njeriu, tha organizatorja Silvia Stojçeva. Sipas saj, neglizhencës së rasteve të tilla duhet t’i jepet fund dhe të merren masa në kohë, përfshirë edhe ndryshimet ligjore.





Последвайте ни и в Google News Showcase, за да научите най-важното от деня!

Më shumë nga rubrika

Punësimi në Bullgari është ndër më të lartët në BE, por mbi 1 milion njerëz nuk punojnë

Deri më 31 dhjetor 2024, numri i personave në moshë pune në Bullgari ishte 3 765 000, që përbën 58.5% të popullsisë së vendit. Nga këta, 1 970 000 janë burra, ndërsa 1 795 000 janë gra. Këtë e bëri të ditur nënkryetari i Institutit Kombëtar të..

botuar më 25-10-22 11.12.PD

GERB-SDS dhe “DPS-Fillimi i Ri” u dakorduan për një mandat të plotë të qeverisë

Në një takim në Parlament, në prani të drejtuesve të partive, koalicioni GERB-SDS dhe partia “DPS-Fillimi i Ri” u dakorduan për një mandat të plotë qeverisës dhe për zbatimin e angazhimeve në drejtim të orientimit euroatlantik të Bullgarisë. Këtë e..

botuar më 25-10-22 10.58.PD

Në rajonet kufitare të qytetit Kjustendill, të huajt tashmë po kërkojnë të paguajnë në euro

Të huajt shpesh kërkojnë të paguajnë me euro. Arsyeja është se tashmë tek produktet është shënuar edhe çmimi në valutën evropiane, tregojnë shitësit në dyqanet e rajonit të Kjustendilit. Të huajt – sidomos në pikat e karburantit, kur furnizohen me..

botuar më 25-10-22 9.20.PD