Sot, më 5 shtator, Muzika Frymore e Berkovicës dhe Komuna e Berkovicës ju ftojnë në Festivalin e VII Veriperëndimor të Muzikës Frymore BDM Fest. Për një vit tjetër, qyteti mbledh fansat e ritmeve të shpejta për t'i tërhequr në një maratonë unike të ekzekutimit të kësaj muzike të bukur.
Festivali çdo vit prezanton traditat e orkestrave frymore të këtij rajoni dhe kontribuon në zhvillimin e Komunës së Berkovicës si një destinacion turistik dhe kulturor. BDM Fest është pjesë e programit të Festës së Qytetit të Berkovicës, e cila këtë vit mbahet nga 4 deri më 9 shtator.
E themeluar në vitin 1902, Muzika Frymore e Berkovicës është një nga orkestrat më të vjetra në vendin tonë. Me kalimin e viteve, përbërja u rrit, dhe statusi i saj ndryshoi –urban, ushtarak, komunal. U formua një repertor i pasur. Muzika Frymore e Berkovicës është pjesëmarrëse kryesore në këngën hit të këngëtares së madhe Lili Ivanova "Erërat", si dhe në shfaqje të shumta të përbashkëta me artistë të tjerë të njohur.
Ndër pjesët e autorit të Krasimir Cvetkov është "Le të argëtohemi", që u përfshi në repertorin e orkestrës. Titulli pasqyron gjënë më të rëndësishme për muzikantët – argëtimin e madh ballkanik.
Përpiloi: Diljana Traçeva
Përgatiti në shqip: Vesella Mançeva
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...