Universitetet bullgare dhe shqiptare do të zgjerojnë bashkëpunimin e tyre, duke zhvilluar programe të përbashkëta trajnimi për studentët dhe doktorantët, si dhe projekte të përbashkëta kërkimore, u bë e qartë në takimin e ministrit bullgar të arsimit Galin Cokov me rektorët e pesë universiteteve më të mëdha shtetërore në Shqipëri – Universiteti i Tiranës, Universiteti Politeknik i Tiranës, Universiteti i Elbasanit, Universiteti i Korçës dhe Universiteti i Durrësit. Ministri kujtoi se deri më tani studentët shqiptarë kanë marrë pjesë së bashku me studentë bullgarë në shkëmbime në kuadër të programit Erasmus, por në periudhën e ardhshme programore ka mundësi të zgjerohet partneriteti.

Një mjet tjetër është programi “Horizonti Evropa”, në të cilin mund të marrin pjesë shkencëtarë nga të dyja vendet. Galin Cokov ngriti çështjen e studimit të gjuhës bullgare në universitetet shqiptare. Për momentin bullgarishtja mësohet vetëm në Universitetin e Tiranës, por nëse ka dëshirë për futjen e këtij specialiteti në shkolla të tjera të larta, Ministria e Arsimit dhe Kulturës do të ndihmojë në sigurimin e pedagogëve.

• Shkolla Verore e Gjuhës Bullgare në Tiranë ka përfunduar, por pjesëmarrësit do të vazhdojnë të ruajnë lidhjet e tyre me Bullgarinë