Më 31 janar 2025 filloi podkasti i parë për bashkësitë e kishës ortodokse bullgare jashtë vendit - "Ura e Besimit”. Ideja është e ekipit të "Radio Bullgarisë" – programi për jashtë vendit i Radios Kombëtare Bullgare (BNR) dhe po zbatohet në bashkëpunim me Dioqezën Ortodokse Lindore të Kishës Ortodokse Bullgare në Evropën Perëndimore dhe Qendrore.
"Ura e Besimit" do të mund të dëgjohet çdo të premte të fundit të muajit dhe do të shpërndahet në faqen e internetit të Radios Kombëtare Bullgare - "Radio Bulgaria", në platformën e podkast-eve të radios - "Binar.bg", si dhe në YouTube kanalin e "Radio Bullgarisë".
Kishat bullgare jashtë vendit janë lidhja e gjallë me Bullgarinë për bashkatdhetarët tanë që në dekadat e fundit kanë kërkuar një jetë më të mirë dhe më të sigurt jashtë vendit ose që jetojnë në vende të ndryshme të botës për shkak të proceseve dhe ngjarjeve të përcaktuara historikisht. Bashkësitë tona kishtare jashtë vendit janë të bashkuara në dy dioqeza – Dioqeza Ortodokse Lindore Bullgare në SHBA, Kanada dhe Australi me seli në Nju Jork dhe Dioqeza Ortodokse Lindore Bullgare në Evropën Perëndimore dhe Qendrore me seli në Berlin, Gjermani.
Çdo episod i podkastit "Ura e Besimit" do të tregojë historinë e një komuniteti të veçantë kishtar bullgar jashtë vendit, në kontekstin historik dhe bashkëkohor. Pjesë të përzgjedhura të podkastit do të shfaqen në botime multimediale në të gjitha versionet gjuhësore të faqes së internetit të Radio Bullgarisë, si dhe në emisionin "Ora e Radio Bullgarisë në programin "Hristo Botev". Podkasti do të shoqërohet me një videoklip për komunën përkatëse ortodokse bullgare, të shpërndara në YouTube dhe në kanalet e BNR në rrjetet sociale.
Në episodin e parë të "Urës së Besimit", autoret Darina Grigorova (gazetare nga "Radio Bullgaria") dhe Aleksandra Karamihaleva (kryeredaktore e "Gazeta e Kishës") flasin për selinë e dioqezës sonë në Berlin dhe na takojnë me Mitropolitin e Evropës Perëndimore dhe Qendrore Antoni. Prej tij mësojmë detaje për punën e bashkësive kishtare në dioqezën e tij, 43 në numër, të cilat përveç punës kishtare zhvillojnë edhe veprimtari bamirëse, shoqërore dhe edukative. Mësojmë gjithashtu se si Kisha Ortodokse Bullgare ndërvepron me institucionet dhe komunitetet e tjera të krishtera në Evropën Perëndimore.
Nga fillimi i vitit 2025 Ekipi i “Radio Bullgarisë” filloi punën edhe mbi rubrikën e përditshme "Kalendari i Kishës". Ai, si dhe podkasti "Ura e Besimit" janë shembuj të bashkëpunimit të thelluar midis Radios Kombëtare Bullgare dhe Kishës Ortodokse Bullgare, të krijuar në mes të janarit të këtij viti dhe me një Memorandum Bashkëpunimi të nënshkruar nga Drejtori i Përgjithshëm i Radios, Milen Mitev, dhe Mitropoliti i Evropës Perëndimore dhe Qendrore Antoni.
Foto: Aleksandra Karamihaleva, Darina Grigorova
Përgatiti në shqip dhe publikoi: Vesella Mançeva
Si çdo vit, të shtunën e dytë të muajit gusht fillon sezoni i gjuetisë për thëllëzën, pëllumbin e egër, turtullin dhe në përgjithësi për speciet shtegtuese të egra. Sipas rregullave të përcaktuara, gjuetia kryhet vetëm gjatë ditës – një orë para lindjes..
Agjencia e Punësimit po aplikon në kuadër të programit "Zhvillimi i Burimeve Njerëzore", pjesë e masës "Unë Zgjedh Bullgarinë". Qëllimi i operacionit është krijimi i kushteve dhe stimujve për vendosjen e përhershme në Bullgari të bullgarëve që..
Një marshim i quajtur “Kambana e Paqes” po kalon nëpër Bullgari. Iniciativa vjen nga një shoqatë gjermane me të njëjtin emër. Pjesëmarrësit besojnë fort se njerëzit e zakonshëm duhet të bëjnë gjithçka që munden për të ruajtur paqen, sidomos në kohë..
Agjencia e Punësimit po aplikon në kuadër të programit "Zhvillimi i Burimeve Njerëzore", pjesë e masës "Unë Zgjedh Bullgarinë". Qëllimi i..
Një marshim i quajtur “Kambana e Paqes” po kalon nëpër Bullgari. Iniciativa vjen nga një shoqatë gjermane me të njëjtin emër. Pjesëmarrësit besojnë fort..
Një shfaqje ajrore mbresëlënëse do të shoqërojë festivalin legjendar të hiteve të viteve ’90 – SPICE Music. Spektakli ajror organizohet për herë të parë..
Mot i kthjellët