Kompanitë bullgare po humbasin shuma të mëdha parash nga mashtrimet me një email dhe llogari bankare të ndryshuar, tha në Sofje komisioneri i lartë Vlladimir Dimitrov - kreu i Drejtorisë së Krimit Kibernetik. Para forumit ndërkombëtar kundër krimit kibernetik, Dimitrov theksoi se rastet e mashtrimit me numra të ndryshuar të llogarive bankare më së shpeshti kanë të bëjnë me grupet kriminale nigeriane që hyjnë në e-mailet e kompanive bullgare.

Mashtrimet zakonisht janë për shuma deri në 50 mijë euro. Kriminelët arrijnë të zbulojnë emrin e përdoruesit dhe fjalëkalimet në kutitë postare të kompanive përmes emaileve phishing dhe kështu të kenë akses në korrespondencën e tyre për ta manipuluar atë. Më shpesh, sulmet mashtruese janë oferta për investime në projekte të ndryshme false ose blerje makinash.