Kievi do të padisë Poloninë, Hungarinë dhe Sllovakinë për refuzimin e tyre për të hequr ndalimin e produkteve bujqësore ukrainase, tha përfaqësuesi tregtar i Ukrainës Taras Kaçka në një intervistë ekskluzive për “Politico”. Partia në pushtet në Poloni është veçanërisht e interesuar të frenojë rrjedhën, pasi fati i saj në zgjedhjet e 15 tetorit është i lidhur ngushtë me mbështetjen e zonave rurale të cilët janë të mërzitur nga rritja e eksporteve bujqësore të Ukrainës, theksohet në botim. “Është e rëndësishme të provohet se këto veprime janë ligjërisht të gabuara. Kjo është arsyeja pse ne do të fillojmë procedurat ligjore”, tha Kaçka, duke shtuar se Kievi po përgatitet të marrë masa hakmarrëse kundër eksporteve polake të frutave dhe perimeve.