Deri në fund të shtatorit do të nënshkruhet marrëveshja për një tranzicion të qetë energjetik mes qeverisë dhe sindikatave. Këtë e bëri të ditur kryeministri Nikollaj Denkov pas takimit me minatorët dhe punëtorët energjetikë protestues që zgjati më shumë se dy orë e gjysmë. Në dokument do të përshkruhen angazhimet e shtetit ndaj minierave dhe centraleve të qymyrit. Marrëveshja duhet të garantojë vende pune në këtë sektor deri në vitin 2038. Brenda datës 15 tetor do të krijohet një ndërmarrje për shndërrimin e zonave të qymyrit, e cila do t’u sigurojë punësim të çliruarve nga minierat dhe termocentralet. Dy sindikatat më të mëdha në vendin tonë – Konfederata e Sindikatave të Pavarura dhe Konfederata e Punës “Podkrepa” duan që partitë në parlament të bëhen garantues për zbatimin e marrëveshjes, nëse bëhet fjalë për nënshkrimin e saj.

• Minatorët u mblodhën në protestë në trekëndëshin e pushtetit