Në Uashington, zëvendëskryeministrja dhe ministre e jashtme Maria Gabriel foli me Sekretarin e Shtetit të SHBA Antëni Blinken. Takimi ishte në kuadër të sesionit të dytë të dialogut strategjik mes Bullgarisë dhe SHBA-së. “Mbështetje, koordinim dhe një përgjigje e përbashkët ndaj sfidave” – këto janë mesazhet nga takimi im me sekretarin e shtetit amerikan Antëni Blinken. Faleminderit për pritjen e ngrohtë si zëvendëskryeministre e Bullgarisë. Vendi ynë është një partner strategjik, një aleat i rëndësishëm dhe një mik”, tha Gabriel. Nënshkrimi i Memorandumit midis Bullgarisë dhe SHBA-së për të kundërshtuar manipulimin e huaj të informacionit është i një rëndësie kyçe në një mjedis të intensifikimit të sulmeve hibride dhe dezinformimit”, theksoi zëvendëskryeministrja. “Në një frymë konstruktive dhe dashamirëse, në kuadër të dialogut strategjik, ne planifikuam qasje të përbashkëta ndaj problemeve globale dhe rajonale”, përmblodhi Gabriel.