Nga raportimet e shërbimeve rezulton se aktualisht nuk ka asnjë rrezik të drejtpërdrejtë për sigurinë kombëtare të vendit. Kështu deklaroi presidenti Rumen Radev në një konferencë pas takimit konsultativ të mbajtur me iniciativë të tij lidhur me rreziqet dhe kërcënimet për sigurinë kombëtare si rezultat i konflikteve aktuale dhe masat për minimizimin e tyre. 

Në takim u raportua se qeveria ka reaguar në mënyrë adekuate dhe në kohë për evakuimin e qytetarëve bullgarë nga Izraeli.

“Ka një tendencë për përkeqësimin e mjedisit të sigurisë si pasojë e veprimeve ushtarake në Izrael, luftës së vazhdueshme në Ukrainë, krizave në Siri dhe Kaukazin e Jugut, tensionit në rritje në Ballkanin Perëndimor, të cilat e vendosin vendin tonë para sfidave të reja. Përshkallëzimi i konfliktit të armatosur midis Hamasit dhe Izraelit dhe përfshirja e pjesëmarrësve të rinj rrit rrezikun e flukseve migratore në vendin tonë me infiltrimin e mundshëm të anëtarëve të organizatave terroriste", vuri në dukje presidenti.