Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kris Gran prezanton albumin e tij debutues

Foto: Rumina Georgieva

Një nga zërat e rinj më lirik të muzikës pop vendase, Kris Gran, është gati me albumin e tij të shumëpritur debutues. Emri i tij “Dy Zemra” bashkon këngët e interpretuesit kushtuara dashurisë. 
Pas pseudonimit Kris Gran qëndron Kristian Grënçarov. Ai lindi në qytetin bregdetar Burgas. Që në moshën 6-vjeçare luante piano dhe në moshën 9-vjeçare i ati filloi t’i mësonte kitarën. Këngëtari i ri fitoi zemrat e të gjithë dashamirëve të muzikës me pjesëmarrjen e tij në formatin televiziv “Zëri i Bullgarisë” në vitin 2017 në ekipin e këngëtarit në zë Grafa. Pas kësaj ai u diplomua në specialitetet “Këndim pop dhe xhaz” dhe “Pedagogjikë e mësimit muzikor” në Akademinë e Muzikës në Sofje.

Tre vjet më parë, Kris Gran filloi të punojë për albumin e tij debutues “Dy Zemra”, i cili tashmë është një fakt. Ai përmban 9 këngë në të cilat stili pop është i përzier me hip-hop, reggaeton, disko dhe një tingëllim akoma më të fortë.
“Këngët tregojnë histori të ndryshme. Disa prej tyre janë fryt i fantazisë sime ndërsa të tjerë rikrijojnë ngjarje të vërteta nga jeta ime”, thotë Kris Gran, i cili është autor i muzikës dhe i teksteve të të gjitha këngëve të tij. Për aranzhimet interpretuesi i ri bashkëpunoi me kitaristin Hristo Nejçev dhe kitaristin Emilio Marholev, me të cilët del në skenë edhe për koncertet e tij.

“Dy zemra” u realizua me mbështetjen financiare të Bashkisë së qytetit Burgas, kurse koncerti, me të cilin Kris do të prezantojë albumin e tij debutues, është me mbështetjen financiare të Fondit Kombëtar “Kultura”.


Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: Magdalena Mihranova, Ivan Bëçvarov, Rumina Georgieva




Последвайте ни и в Google News Showcase, за да научите най-важното от деня!

Më shumë nga rubrika

"Vrapoj" – projekti i ri melodik i interpretuesve IVE dhe Chaz

Këngëtarja Ivelina Kollaksëzova - IVE dhe autori, producent dhe interpretues me popullaritet në rritje Ljubomir Bojanov - Chaz prezantuan këngën e tyre të re "Vrapoj". Ajo është një vazhdim i historisë për të cilën ata bënë aluzion në këngën e tyre..

botuar më 25-03-31 6.10.PD
Prova e

"Rigoletto" është premiera e parë e operës në vitin e përvjetorit të Operës së Stara Zagorës 2025

Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe..

botuar më 25-03-27 6.10.PD

Kristian Kostov bën një fillim të ri me këngën e tij "Unë jam ti"

Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..

botuar më 25-03-26 6.05.PD