Pianisti dhe kompozitor i xhazit Zhivko Petrov është gjithnjë e më i preokupuar nga rruga dhe drejtimi. Dy vjet pasi Zhivko Petrov Trio (JP3) na dha një drejtim të ri me albumin "Ndrysho drejtimin", tani është koha për të udhëtuar deri në disa nga këndet më emocionuese me këngën më të re "Në rrugë". Kompozimet janë sërish vepër e Zhivko Petrovit (piano), në bashkëpunim me Dimitër Semov (bateri) dhe Dimitër Karamfillov (kontrabas). Të tre muzikantët rikrijojnë tablo nga 11 pika të botës - siç i shohin dhe i ndjejnë.
Rrugëtimi muzikor “Në rrugë” tashmë ka fansa në mbarë botën. Ai tingëllon në radiot xhaz në SHBA dhe Kanada dhe është albumi i dytë më i preferuar nga redaktorët muzikorë dhe DJ në Shtetet e Bashkuara.

Ditët në vijim fansat e trios do të mund ta kalojnë dhe ta përjetojmë këtë rrugëtim me muzikantët, pasi Trioja Zhivko Petrov (JP3) është sërish në rrugë me albumin, kësaj here nëpër disa qytete të Bullgarisë. Koncertet realizohen me mbështetjen financiare të Ministrisë së Kulturës.
Përveç "Në rrugë", në këto koncerte të trios fansat e muzikantëve do të kenë mundësinë të dëgjojnë kompozimet krejt të reja të krijuara enkas për prezantimin e filmit "Mishi" të Dimitër Stojanoviç, i cili pritet të shfaqet në vitin 2024.
Duke dëgjuar "Mëngjesi i së Shtunës në Sofje" nga albumi i JP3 "Në rrugë" na vjen në mendje një nga frazat e preferuara të Zhivko Petrov: "Jeta është e mrekullueshme..."
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: jivkopetrov.com, Blagoevgrad Blues&Jazz
Një udhëtim muzikor emocionues, i lindur në fundin e botës – në Antarktidë – do të prezantohet më 28 nëntor, në orën 19:00, në Kanada, në adresën: 769 Niagara Stone Rd, Niagara-on-the-Lake, ON L0S 1J0. Virtuozi bullgar me famë botërore i kavallit,..
Që nga shfaqja e tij në skenën muzikore bullgare pothuajse 20 vjet më parë, muzikanti i rokut Toma Zdravkov na ka fituar me praninë e tij autentike. Edhe pse i është përkushtuar kryesisht tingujve të rock and roll, punk dhe country, Toma gjithmonë ka..
Një përjetim emocionues u ofron melomanëve të kryeqytetit, Festivali Europian i Muzikës më 10 nëntor. 2500 vjet nga themelimi i qytetit legjendar italian me bukurinë e tij, Napoli, do të shënohen me një ngjarje të veçantë – koncertin e formacionit Ars..
Adhuruesit e muzikës pop dhe pranisë ekspresive skenike me siguri mezi presin takimin para Krishtlindjeve me Veselin Marinov. Tashmë është një..