Reshjet e dendura të borës dhe erërat e forta uragane më 25 dhe 26 nëntor e ndërlikuan situatën në mbarë Bullgarinë. Gjysmë milion familje kanë mbetur pa energji elektrike, në disa vende ka pasur edhe ndërprerje të furnizimit me ujë.
Për shkak të kushteve të rënda atmosferike, në një sërë zonash të populluara të vendit u shpall gjendje e jashtëzakonshme dhe 27 nëntori u kthye në ditë jashtëshkollore për nxënësit e mbi 280 shkollave në 13 rrethe.
Stuhitë e borës krijuan probleme në rrjetin rrugor të Bullgarisë. Është i vështirësuar edhe transporti hekurudhor – Hekurudhat Shtetërore Bullgare bënë të ditur për vonesa dhe anulim të lëvizjes së disa trenave.
Shumë pemë dhe degë të thyera ranë mbi makinat dhe vështirësuan lëvizjen në rrugët e vendbanimeve.
Jashtë situatës ekstreme për qytetarët, skena e borës u solli shumë gëzim dashamirësve të sporteve dimërore, të cilët tashmë presin fillimin e sezonit të skijimit.
Maja më e lartë e malit Vitosha, afër kryeqytetit të Sofjes, ka tashmë 60 cm borë, në Rozhen në malin Rodope bota është mbi 20 cm, mbi gjysmë metër është mbulesa e dëborës e vendpushimit Borovec në malin Rilla.
Dielli, bora e bardhë dhe gjethet e pa rënë ende në pemë krijojnë peizazhe të bukura.
Foto: BTA, BGNES, Rosica Petkova
Manastiri i Baçkovos është një nga qendrat më të rëndësishme shpirtërore në Bullgari. I themeluar në vitin 1083 nga Grigorie Bakuriani, një gjeneral bizantin me origjinë gjeorgjiane, ky manastir ruan traditën ortodokse bullgare të gërshetuar me..
Moti i thatë dhe i nxehtë nuk është në favor të fermerëve, por po ndihmon punëtorët që nxjerrin kripë në brigjet e Detit të Zi. Nxjerrja e kripës është një nga aktivitetet më të vjetra të njerëzve në qytetin detar Pomorie (Bullgaria Juglindore) -..
Rilla është ndër malet më tërheqëse në Bullgari, si për bashkatdhetarët, ashtu edhe për mysafirët nga jashtë. Në këtë mal ngrihet maja më e lartë jo vetëm në Bullgari, por edhe në Gadishullin Ballkanik - Musalla (2925 m), emri..
Pjesërisht me re
Vranësira të dendura