"Nuk heq dorë nga synimi im që Bullgaria dhe Rumania të bëhen pjesë e Shengenit akoma këtë vit, tha komisionerja evropiane për punë të brendshme Ylva Johansson para takimit të sotëm të Këshillit të BE-së, njoftoi korrespondentja e BNR në Bruksel, Angelina Piskova. Nuk pritet të votohet për një vendim për anëtarësimin e dy vendeve, por vetëm një debat për përgatitjen e tyre. Komisionerja evropiane kujtoi "misionin e suksesshëm të konstatimit të fakteve në Bullgari" dhe siguroi se do të tregojë se sa të përgatitura janë Bullgaria dhe Rumania."

“Ne do të vazhdojmë të komentojmë dhe mbledhim të gjitha vlerësimet, do të konstatojmë progresin e të dy vendeve dhe nevojën për të gjeneruar një Evropë më të fortë. Nuk ka dyshim se kjo do të ndodhë kur të arrijmë të përfundojmë integrimin e Rumanisë dhe Bullgarisë në zonën Shengen”, tha ministri i brendshëm spanjoll Fernando Grande-Marlaska.