"Ndoshta ishte rastësisht që kalova - ndoshta, ndoshta..."
Këto janë vargjet e para të Nadezhda Zaharievës nga kënga “Ndoshta” e grupit legjendar “Signall”. Jo rastësisht ata kanë 45 vite në skenën e muzikës vendase dhe këtë do ta shënojnë me një koncert të titulluar “Signall – 45 vjet rock”. Më 7 dhjetor, në sallën Nr. 1 të Pallatit Kombëtar të Kulturës /NDK/, pranë Jordan Karaxhovit, Aleksandër Marinovskit, Vladimir Zaharievit dhe Georgi Janakievit, në skenë do të jetë Filarmonia Ruse me dirigjent Dimitër Kosev.
Një vitin 1979 doli në tregun muzikor albumi i tyre i parë "Kryqëzimi i përjetshëm". Albumi i parë i dyfishtë rock në historinë e muzikës bullgare ishte i tyre - "Stuntmen" i vitit 1981. Për këto 45 vjet ata kanë realizuar mijëra koncerte, shumë prej tyre jashtë Bullgarisë. Ata kanë nxjerrë pothuajse 20 albume, më shumë se gjysma e të cilave janë albume në studio.
Pyetjes se si i sheh këta 45 vjet me grupin dhe çfarë do t’i urojnë vetes për 45 vjeç, Jordan Karaxhiv iu përgjigj:
"Ata kaluan si një frymë. Sepse falë audiencës sonë kemi jetuar për 45 vjet. Gjithmonë kam deklaruar respektin tim të madh ndaj publikut tonë! Sa për 45 vitet e ardhshme, dua t'u uroj shumë shëndet fansave tanë, që të jemi edhe ne kaq vite në tokë!”
Më 7 dhjetor, muzikantët nga “Signall” do të kombinojnë energjinë rock me tingullin klasik. Publiku do të mund të dëgjojë hitet e tyre emocionuese “Lamtumirë”, “Ndoshta”, “Më mungon” e shumë të tjera. Ndër to është edhe "Të dashuroj" me muzikë të Georgi Kostov dhe poezi të poetit Ljubomir Levçev. Aranzhimenti është i grupit.
Foto: FB / Signal rock band
Përgatiti në shqip dhe publikoi: Vesella Mançeva
Konkursi i Radios Kombëtare Bullgare (BNR) për Këngën e Re Bullgare "Pranvera" u mbajt për të 55-tën herë. Që nga fillimi i tij në vitin 1970, ky forum muzikor stimulon vazhdimisht autorët dhe interpretuesit vendas për të krijuar muzikë të re. Çmimet..
Dy emra yjesh nga dy breza të muzikës bullgare - Ljubo Kirov dhe Mihaella Marinova - po takohen sërish. Së bashku i dëgjuam për herë të parë në vitin 2020 në versione duete në këngën tashmë hit të Ljubo Kirovit "Mundem". Ishte një sukses i tillë..
Muzikantët më të vegjël në Radion Kombëtare Bullgare (BNR) nga Grupi Vokal i Fëmijëve "Radiodeca" me dirigjente Ilina Todorova - prezantojnë koncertin e tyre tradicional pranveror. Ai i kushtohet 70 vjetorit të kompozitorit Krasimir Miletkov, i cili..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..