Një vajzë vërtet me diell, e lindur në Burgas dhe që jeton buzë detit - Stanisllava Hristova - ka vite që bën muzikë me pseudonimin Sunheart. Pas një pauze të caktuar, karakteristike për çdo artist të pavarur, ajo ka një këngë të re - "Kurrë më". Këngëtarja na tha se dëshiron ta realizojë më shpejt muzikën e saj, ndaj ka nisur punën për katër këngë të reja. Sunheart shpjegon se pse vendosi të prezantojë së pari "Kurrë më":
“E ndjej më së afërmi. Që tani e tutje, ndoshta, vështirë se do të lejoj që dikush tjetër të ma shkruajë tekstin – këto janë tekste të mia dhe më afër zemrës sime është pikërisht “Kurrë më”. Vendosa që tingulli i saj është shumë i pastër, melankolik, dhe i përgjigjet motit tani."
Për muzikën e "Kurrë më" Sunheart sërish ka punuar me kolegët e saj nga Sofja, Rene Ranev dhe Georgi Trifonov – kjo është kënga e katërt mbi të cilën ata bashkëpunojnë. Këngëtarja e re na tregoi se energjia që duhet për të krijuar çdo këngë si solo artiste është shumë e lartë, pasi ajo e prodhon vetë muzikën e saj dhe pret që së shpejti të frymëzohet për të përfunduar projektet e tjera muzikore.
Përgatiti në shqip dhe publikoi: Vesella Mançeva
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..