Bashkia e Momçillgradit publikoi pamje unike që shkaktuan interes të madh në rrjetet sociale. Videoja e xhiruar nga një dron paraqet një pamje nga lart e kështjellës misterioze mesjetare të Asara, që ndodhet në zonën e fshatit Ralica në malin е Rodopeve.
Mbetjet e kalasë datojnë nga shekulli XI-XII. Ata ngrihen mbi një vend të shenjtë shkëmbor parahistorik me një varr. Një altar trapezoid është gdhendur në territorin e kalasë. Ende mund të shihen rrënojat e dy kullave të mëdha, të cilat dikur janë lidhur njëra tjetrën me një kalim të prerë në shkëmbinj. Në njërën kullë ka gjurmë të dhomave të banimit dhe të një kishe. Arkeologët kanë zbuluar gjithashtu medaljone prej kockash, të cilat kanë qenë elemente të një ikone të zbukuruar me ar.
Shihni videon:
Nga maja, ku janë shpërndarë mbetjet e kështjellës së dikurshme, zbulohet një pamje e mrekullueshme e Rodopeve Lindore dhe majës së tyre më të lartë "Kodra e Pjerrët" me një lartësi prej 960 m.
Ujëvara Bojallëk ndodhet pranë kalasë Asara. Lartësia e saj është rreth 25 metra. Në kanionin që formohet pas ujëvarës vërehen shkëmbinj jashtëzakonisht interesantë.
Kalaja Asar në komunën e Momçillgradit nuk është e vetmja kala në Bullgari që e mban këtë emër. Fjala "asar" vjen nga emri arabo-turk "hisar", "hisarllëk", ose në përkthim - fortesë, fortifikim, grumbull guri. Prandaj në trojet tona ka shumë kala me këto emra.
Lexoni më shumë:
Autori i videos: Tencho Petkov Photography
Përpiloi: Veneta Nikollova
Përgatiti në shqip dhe publikoi: Vesella Mançeva
Trapezica është një nga tre kodrinat me të cilat njihet kryeqyteti i vjetër bullgar Tërnovgrad, që është emri mesjetar i qytetit të sotëm Veliko Tërnovo. E vendosur në veriperëndim të qytetit, ajo qëndron përballë kodrinës fqinje Carevec – vendi ku..
Nga data 17 deri më 23 shtator 2025, në ujërat pranë Kepit Killik, komuna Avren, u zhvilluan kërkime arkeologjike nënujore nën drejtimin e prof. dr. Ivan Hristov, me pjesëmarrjen e zhytësve nga Muzeu Historik Kombëtar, punonjës të Shërbimit Kombëtar të..
Më 22 shtator 1908, me një manifest, princi Ferdinand I shpalli Pavarësinë e Bullgarisë dhe kështu u hodhën hapat e Mbretërisë së Tretë Bullgare. Ky akt nuk është bërë rastësisht në kishën "Shën 40 Dëshmorët" në kryeqytetin e vjetër Veliko Tërnovo: atje..
Trapezica është një nga tre kodrinat me të cilat njihet kryeqyteti i vjetër bullgar Tërnovgrad, që është emri mesjetar i qytetit të sotëm Veliko..