Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mihaella Xhorgova nga Shoqata "Shoqëri dhe vlera":

60% e fëmijëve në Bullgari lindin jashtë martese

Java e martesës në Bullgari vendos kujdesin ndaj fëmijëve në bazë të lidhjeve të mira familjare

Foto: pixabay

Për të 13-in vit radhazi në Bullgari fillon Java e Martesës. Është pjesë e Javës Ndërkombëtare të Martesës, e cila zhvillohet çdo vit nga 7 deri më 14 shkurt në 30 vende të botës. Falë mbështetjes së njerëzve të njohur, përfaqësuesve të institucioneve të ndryshme, Shenjtërisë së Tij Patriarkut Bullgar, kryetarëve të bashkive, njerëzve të njohur dhe specialistëve në fushën e shëndetit familjar, ajo po fiton gjithnjë e më shumë popullaritet. Për këtë ndihmojnë edhe tubime dhe seminare të shumta lidhur me temën e martesës dhe marrëdhënieve familjare. “Këtë vit janë planifikuar më shumë se 35 tubime që synojnë thellimin e afërsisë dhe dashurisë në martesë”, vëren psikologia Mihaella Xhorgova nga ekipi i Shoqatës “Shoqëri dhe vlera”, koordinatore e nismës, në një intervistë për Radio Bullgaria.

Në këtë drejtim, ekipi i Shoqatës fton çiftet që të përmirësojnë komunikimin me njëri-tjetrin, dhe nga ana tjetër - ndërvepron me institucionet, duke ofruar mënyra të ndryshme për forcimin e lidhjeve familjare. Ministria e Arsimit dhe Kulturës këtë vit pranoi idenë e tyre në lëndën “Fe sjellje e mirë” për përfshirjen e mësimeve në programet e klasave 1-12, kushtuar vlerave familjare, marrëdhënieve dhe mënyrave për forcimin e tyre.

Mihaella Xhorgova

Sipas statistikave, bashkëjetesat pa martesë karakterizohen nga paqëndrueshmëri shumë më madhe, me më shumë tradhti. Përveç kësaj, pritshmëritë e partnerëve janë të ndryshme.

"Shumë herë hulumtimet tregojnë se burrat janë në këtë bashkëjetesë derisa të gjejnë një partnere më të përshtatshme - thekson Mihaella Xhorgova. - Gratë, nga ana tjetër, mendojnë se kanë gjetur personin e duhur. Bullgaria, mendoj se është në një nga vendet e para në Bashkimin Evropian për nga numri i fëmijëve të lindur jashtë martese. Gjatë 30 viteve të fundit, statistikat e Eurostat tregojnë se 60% e fëmijëve lindin jashtë martese, veçanërisht në mesin e të rinjve deri në moshën 39 vjeç."

Sipas të dhënave nga regjistrimi i fundit në Bullgari, në 10 vitet e fundit, çiftet që bashkëjetojnë janë rritur nga 8% në 17.4%, ose më shumë se dy herë. Prandaj, synimi i nismës është t'i kushtojë vëmendje anëve pozitive të marrëdhënieve bashkëshortore dhe të inkurajojë çiftet që të kujdesen për ruajtjen e afërsisë mes tyre. Një nga mënyrat është përmes mesazheve pozitive nga çiftet e famshme që zbulojnë për mediat përfitimet e marrëdhënieve familjare.


"Ne u japim një shans çifteve që janë të martuar, të famshëm dhe jo edhe aq të famshëm, për të thënë pse martesa është një vlerë për ta. Kështu, me shembuj nga çifte të ndryshme të martuara, mesazhet e rëndësishme për martesën arrijnë më lehtë tek njerëzit.

Ne monitorojmë edhe politikat shtetërore në fushën e martesave familjare. I kemi dërguar Agjencisë për Mbrojtjen e Fëmijëve propozime për të mbështetur fëmijët dhe familjen dhe pse është e nevojshme të ruhet martesa e një burri dhe një gruaje. Nëse vërtet duam që Bullgaria të ekzistojë, ekonomia jonë të zhvillohet, është e rëndësishme që institucionet dhe shteti të inkurajojnë martesat. Dhe dhurata më e mirë për fëmijët është një marrëdhënie e mirë martesore, kur të dy prindërit duhen, e vlerësojnë dhe e kuptojnë njëri-tjetrin. Kjo është gjëja më e vlefshme për fëmijët dhe kjo është ajo që duhet të inkurajojmë."


Foto: Pixabay, Facebook /Mihaella Xhorgova
Përgatiti në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Rreziku i parave të falsifikuara! Si t’i dallojmë ato?

Një tendencë e re në falsifikimin e parave – më shumë janë kartëmonedhat e falsifikuara prej 100 levash, me portretin e Aleko Konstantinovit, ndryshe nga disa vite më parë kur më të falsifikuarat ishin ato prej 20 levash. "Këtë e tregojnë të..

botuar më 25-08-11 6.55.PD

Me hapjen ndaj botës, bullgari po ndryshon kulturën e tij të të ushqyerit

Profesioni i kuzhinierit po bëhet gjithnjë e më prestigjioz, dhe njerëzit që merren me të duhet ta duan vërtetë, sepse orët e punës janë të shumta, ngarkesa dhe përgjegjësitë – gjithashtu. Mbrojtësi qiellor i kuzhinierëve është Shën Lorenci – një..

botuar më 25-08-10 8.00.PD

Një bullgare në Austri krijoi një shoqatë për shpëtimin e kafshëve endacake nga Bullgaria

Misioni i shoqatës “Pfotenliebe”, e themeluar në korrik të këtij viti në Klagenfurt, Austri, është të shpëtojë kafshët endacake nga Bullgaria. Një nga nismëtaret e shoqatës është bashkatdhetaria jonë Daniella Millusheva, raporton Blogu i bullgarëve në..

botuar më 25-08-10 6.10.PD