Më 10 shkurt nderojmë Shën Harallmbin e Magnezisë, martir i besimit. Sipas traditës bullgare, kjo është një nga festat e fundit dimërore. Që nga ajo ditë, njerëzit fillonin të punonin tokën pasi dimri kishte ikur.
Martiri i shenjtë Harallambi jetoi në shekullin II në Magnezi të Azisë së Vogël, në një epokë persekutimesh të tmerrshme kundër të krishterëve. Ai ishte shumë i drejtë dhe madje gjatë jetës së tij ai e tregoi shenjtërinë e tij duke përhapur fjalën e Zotit. Ai ishte mbi 100 vjeç kur perandori mizor romak Septimius Severus e nënshtroi atë në tortura për të hequr dorë nga Krishti dhe e torturoi për gati 13 vjet. Harallambi ishte i fortë dhe i palëkundur dhe besimi i tij ia shëronte të gjitha plagët dhe çdo mëngjes ai gdhihej i padëmtuar.
Ndoshta për shkak të shërimit të tij të mrekullueshëm, njerëzit nderojnë Shën Harallambi, duke i dhënë atij rolin e shëruesit dhe kujdestarit të shëndetit. Në traditën popullore Shën Harallambi ruan nga murtaja, prandaj ai shpesh përshkruhet duke e mbajtur të mbyllur atë në një kavanoz. Për shkak të kësaj fuqie, shenjtori konsiderohet shenjt mbrojtës i mjaltit dhe bletarëve, të cilët festojnë festën e tyre profesionale më 10 shkurt.
Foto: ArkivaPërpiloi: Gergana Mançeva
Përgatiti në shqip dhe publikoi: Kostandina Bello
Që nga përpjekjet e para për të fluturuar me krahë të ndërtuara vetë që në shekullin e 19-të, deri te fluturimet e para luftarake në botë me qëllime zbulimi dhe bombardimi. Nga ulja e parë e suksesshme në histori e një aeroplani me motor të ndalur,..
Llulla nga fundi i shekullit XVII, nga shekulli XVIII dhe fillimi i shekullit XIX, si dhe tradita e kultivimit të duhanit në Bullgari, janë paraqitur në ekspozitën më të re të Muzeut Arkeologjik të Burgasit. "Këto lloj llullash gjenden shpesh në..
Në Bullgari, kur flasim për një person me fat të keq, shpesh themi: "Oh, çfarë Marko Totev është!". Por kush është në të vërtetë Marko Totev dhe si u bë emri i tij një përkufizim i njohur për një njeri, fati i të cilit vazhdon të dështojë?..