Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nina Nikolina dhe kënga e saj më e re në stilin folklorik

Foto: Nina Nikolina Official

Në muajin e dashurisë, Nina Nikolina ka përgatitur dy aktivitete për publikun e saj - një koncert premierë "Këngë popullore të dashurisë" më 16 shkurt, në të cilën do të prezantojë këngën e saj më të re. Ky koncert ndjek trendin e programit “Jazz & Traditions” – këngë të interpretuara në zhanret aktuale muzikore me tinguj xhaz, fënk, R&B, elektronik dhe vallëzimi. Bashkë me këngëtaren Nina Nikolina në skenë do të dalin perkusionisti Kalin Veljov, pianistët Jasen Velçev dhe Mirosllav Turijski, trumbetari Martin Tashev dhe këngëtarja Tanja Përvanova.

Për koncertin e 16 shkurtit, formacioni etno-xhaz përgatiti një repertor të ri, të përzgjedhur enkas për ditën e të dashuruarve. Interpretuesit  janë të bindur se kënga popullore e përshkruan më së miri dhe në mënyrë më poetike dashurinë.  Në program u përfshin edhe dy këngë dashurie nga Ballkani - nga Shqipëria dhe nga Bosnja, të cilat këngëtarja do t'i interpretojë me tekstet e tyre origjinale në gjuhën shqipe dhe boshnjake.

Si të gjitha koncertet e grupit, edhe ky do të jetë një performancë interaktive me improvizime të shumta nga grupi, rrëfime dhe “përkthime” të teksteve të këngëve nga vet Nina Nikolina dhe pyetje drejtuara publikut.

Nina Nikolina është veçanërisht e lumtur që të paktën tre breza vijnë në koncertet e saj.

“Si një krijuese besoj se publiku duhet të edukohet – ndan këngëtarja. – Dhe në këtë kuptim jam shumë e lumtur që publiku po i kushton vërtet vëmendje folklorit dhe tashmë filloi të dallojë se çfarë është folklori i vërtetë. Kjo është një traditë që ne duhet ta njohim për të ditur se nga janë rrënjët tona. Për çdo njeri që i kushton vëmendje folklorit, ndihem vërtet e lumtur. Sepse prej shumë vitesh punoj për ta bërë këtë folklor të aksesueshëm për ta. Sepse, duke gjykuar nga vëzhgimet e mia dhe nga fëmijët e mi, opsioni është ky - t'ua prezantoj atyre folklorin bullgar në një mënyrë moderne."

Më 16 shkurt, në koncert-spektaklin "Këngë popullore të dashurisë" do të tingëllojë edhe kënga humoriste "Gjyshen Dora е zuri gjumi". Kjo është kënga e katërt nga albumi i dytë i këngëtares Nina Nikolina "Jazz & Traditions VOL. 2". Aranzhimin e bënë Kalin Veljov, Martin Tashev dhe Jasen Vellçev.

Përgatiti në shqip dhe publikoi: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Josif Cankov

Kryevepra të kulturës muzikore bullgare: Josif Cankov - "Kënga ime, dashuria ime"

Lexoni më shumë nga arkivi i Radio Bullgarisë: “Kënga ime, dashuria ime” – radio-historia e këngës zbavitëse bullgare 110 vjet nga lindja e Josif Cankovit "Kënga ime, dashuria ime" Përgatiti në shqip..

botuar më 25-10-03 6.55.PD

"Nga puthja nuk mbetet asnjë shenjë" - DIA frymëzohet përsëri nga folklori

Dimana Mirçeva, e njohur si DIA, tërhoqi vëmendjen si nxënëse në Shkollën Kombëtare të Muzikës "Ljubomir Pipkov" në Sofje, kur interpretoi këngën e saj të parë origjinale.Që atëherë, ajo i interpreton këngët e saj me respekt për folklorin..

botuar më 25-10-02 5.55.PD

"Një jetë" me muzikë... Orlin Goranov përfundon turneun e tij në vend

Muzika... Arti që na shoqëron gjatë gjithë jetës sonë, në jetën e përditshme dhe në festa. Na çon përmes saj, na e tregon në një mënyrë më të bukur dhe kuptimplotë. Krijon dhe ngjall kujtime, rrit emocionet dhe së fundmi - tregon histori...

botuar më 25-10-01 2.05.MD