Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Ti je e mahnitshme” – na thotë një pasqyrë antike

Muzeu Arkeologjik në Burgas me një ekspozitë interesante të pasqyrave në miniaturë

Foto: BTA

Një vitrinë me pasqyra të vogla ritualesh është pjesë e një ekspozite kushtuar temës së bukurisë femërore në antikitet, të paraqitur në Muzeun Arkeologjik të qytetit të Burgasit. Ekspozita titullohet "Tekat përmes antikitetit. Shiko pasqyrën" dhe është hapur me rastin e 8 Marsit, Ditës Ndërkombëtare të Gruas. Në antikitet kishte dy lloje pasqyrash - funksionale dhe ritualesh. Të parat përdoreshin për t'u kujdesur për zonjat e rangut të lartë, dhe të dytat i jepeshin si dhuratë perëndeshës kur gratë i kërkonin asaj t'i plotësohej një dëshirë. Zbulimi i objekteve të ngjashme në varrezat në rajon është dëshmi se aty pranë ka pasur një faltore të një prej perëndeshave nga panteoni greko-romak.


Pasqyrat e paraqitura në muzeun e Burgasit janë restauruar dhe datojnë nga shekulli II-IV. Ato janë bërë prej plumbi. Më interesante janë pjesët në të cilat ka mbishkrime standarde. Në trojet moderne bullgare, tekstet janë shkruar në greqishten e vjetër. Në disa prej tyre shkruhej: “Ti je e mahnitshme”, “Të gjitha gjërat e bukura i shkojnë një bukurosheje”, “Gjërat e bukura u shkojnë për shtat femrave të bukura”, “Një dhuratë për zonjën”, “Bukuroshe, më merr, unë jam bukurija jote”.
Njëra nga pasqyrat më interesante të paraqitura në ekspozitë, nuk ka mbishkrim përkushtues, por ka një imazh të një perëndeshë, me sa duket Hera, Afërdita ose një nga tre nimfat.

Disa nga pasqyrat janë gjetur gjatë gërmimeve pranë fshatit Ruen, fshatit Jabëllçevo, Aqua Calide, rajonit të Pomories etj.
Ritualet dhe tekat e grave në Antikitet nuk ndryshonin shumë nga ato moderne. Në ekspozitën e përhershme të muzeut, mund të shihni edhe shishe për parfume, të quajtura llakrimarii, si dhe ungventarii - enë për ruajtjen e rimelit për qerpikët ose vajrave të tjerë aromatikë, shpjegoi për BTA udhërrëfyesja Gergana Danabasheva. Ekspozita mund të shihet në muzeun arkeologjike deri në fund të marsit.

Lexoni më tepër:
Përpiloi: Gergana Mançeva
Foto: BTA
Përgatiti në shqip dhe publikoi: Kostandina Bello


Последвайте ни и в Google News Showcase, за да научите най-важното от деня!

Më shumë nga rubrika

Kompania 4093 – Emigrantët bullgarë krijojnë një njësi ushtarake speciale përtej Perdes së Hekurt

Kompania Kombëtare Bullgare Vullnetare 4093, si pjesë e Forcave të Armatosura Amerikane në Gjermaninë Perëndimore, u krijua më 20 tetor 1951. Ky nuk është një proces i lehtë, por tregon se ka një numër të konsiderueshëm bashkatdhetarësh tanë që nuk janë..

botuar më 24-05-06 7.30.PD

Mijëra njerëz festuan 148 vjet nga shpallja e Kryengritjes së Prillit në Oborishtе

Mijëra bullgarë morën pjesë në pelegrinazhin kombëtar në zonën historike "Oborishte", rajoni i Pazarxhikut, ku në prill të vitit 1876 u krijua Kuvendi i Parë Kombëtar Bullgar dhe delegatët vendosën shpalljen e Kryengritjes së Prillit. Në fjalimin..

botuar më 24-05-02 4.18.MD
“Çeta Fluturuese e Benkovskit”, artisti Petër Morozov

Të huajt në “Çetën Fluturuese” të Georgi Benkovskit

Krijuesi i organizatës së brendshme për Çlirimin e Bullgarisë, Vasill Levski , duke formuar komitetet revolucionare në trojet bullgare, ishte i pari që përfshiu të huajt që punonin në "Hekurudhën Lindore" të baron Moritz Hirsch. Në rrjetin e tij..

botuar më 24-04-22 5.22.MD