Grupi MOLEC vazhdon të emocionojë fansat e tij me projekte dhe shfaqje të shumta në Bullgari dhe jashtë saj. Vetëm pak ditë më parë, një nga grupet më të suksesshme bashkëkohore bullgare u kthye nga Londra - destinacioni i fundit i turneut të tyre evropian 2024. Mbi 600 persona u mblodhën për prezantimin e MOLEC në një klub në kryeqytetin anglez.
Pavarësisht orarit të ngjeshur në muajt e fundit, Kris dhe Juli nga MOLEC vazhdojnë të regjistrojnë muzikë të re. Në mes të muajit prill u shfaq premiera e këngës së tyre më të fundit "Nuk ka rëndësi" dhe e videoklipit shoqërues, të cilat janë hit në platformat muzikore. ¬ Ndërkohë, Kristijan Markov dhe Julijan Sllavçev, së bashku me një band dhe kërcimtarë, po përgatiten për të prezantuar projektin e tyre më të madh deri më tani - një koncert në sallën më të madhe në vendin tonë - Arena Sofja, i cili më 21 nëntor do t'i japë fund turnet të tyre kombëtar. Takimet me fansat e grupit fillojnë në mesin e gushtit në një tjetër vend ikonik koncerti për vendin tonë - "Teatri Antik" në Plovdiv.
Ju ftojmë të dëgjoni "Nuk ka rëndësi" - një këngë-rrëfim ku Kris dhe Juli këndojnë për marrëdhënien me babanë dhe me Zotin, i cili na mban shpirtin në tokë dhe na jep forcë për të shkuar larg...
Përgatiti në shqip dhe publikoi: Vesella Mançeva
Ljuben Karavellov (1834–1879) është një nga figurat më të rëndësishme për çlirimin kombëtar – personalitet enciklopedik, autor i veprave poetike dhe letrare, publicist dhe folklorist. Pas viteve të shkollimit dhe punës larg qytetit..
Rushi Vidinliev ka një këngë të re, të titulluar "Kufiri". Kënga është pjesë e albumit të fundit të artistit dhe vjen më shumë se një vit pas këngës së parë të suksesshme, e cila i dha albumit emrin, "Pa bagazh". Videoklipi për "Kufirin" është..
Jordanka Derillova – një soprano dramatike me një bukuri të mahnitshme dhe timbër të papërsëritshëm. Ajo është ndër të paktat bullgare që janë nderuar me titullin "Kammersängerin" – çmimi më prestigjioz në Gjermani dhe Austri, që u jepet..