Stefan Vëlldobrev dhe "Të dyshuarit e zakonshëm" i pret një verë e nxehtë - më 27 qershor, ata do të fillojnë një turne në mbarë vendin, duke filluar nga qyteti Ruse, në të cilin do të prezantojnë albumin e ri "Pikëpyetjetë mahnitshme". Ai përmban 11 kompozime me tituj, të cilët provokojnë pyetje mahnitëse.
Sipas Stefan Vëlldobrevit, kënga e parë "Së bashku vetëm" ka çuar në krijimin e albumit, por vetë albumi fillon me këngën e dytë - "Pyetje". Dhe këtu, si në këngët e tjera, Stefan Vëlldobrev, si autor i muzikës dhe tekstit, na paraqet gjërat më të thjeshta në jetë, të shndërruara në art. Por jo gjithçka në krijimin e këngëve gazmore është aq e lehtë sa duket, na siguron Stefan Vëlldobrev:
"Ky proces është shumë i menduar, shumë i kërkuar - më në fund të them diçka që duket e ndërlikuar, por unë i gjej fjalët e thjeshta për të. Kjo është gjëja më e vështirë - të krijosh një këngë gazmore, pozitive, të ndritshme. Është më e lehtë me akordet minore - 90 për qind e muzikës në botë është pikërisht e tillë - minore - që prej 3-4 viteve të fundit, kjo është gjendja ime shpirtërore, siç është në të gjithë botën. Unë nuk po jetoj në ëndrra, po shoh se çfarë po ndodh në botë dhe kjo më zemëron. Por e di që për momentin misioni im është të tregoj të gjitha temat dhe mesazhet pozitive dhe unë po e bëj. Dhe i lë mënjanë të gjitha temat dhe mesazhet minore. Ky është një proces kaq i dhimbshëm që askush nuk mund ta imagjinojë, çfarë ndodh me trupin tuaj, me aurën tuaj, çfarë dëmi ka kjo në mendjen dhe në psikikën tuaj, që kjo këngë e ndritshme të dalë në fund dhe të duket sikur është krijuar për dhjetë minuta. Për mua kjo është arritja më e madhe, e kam kërkuar për shumë vite dhe mendoj se me koston e disa miliardë qelizave nervore e kam arritur tashmë.”
Foto: YouTube, BTA
Përgatiti në shqip dhe publikoi: Vesella Mançeva
Një vajzë e re e njohur nga sezoni i fundit i "Zërit të Bullgarisë" - Dani Ilieva - prezantoi këngën e saj të re me titull "A do të puth". Në vitin 2022, vetëm 16 vjeçe, Dani u bë interpretuesja më e re që fitoi "Burgas dhe Deti". Ky nuk ishte çmimi..
Me këngën e tyre “Liruar” Trioja Innerglow ishte ndër finalistët në edicionin e 55-të të sivjetshëm të Konkursit “Pranvera” të BNR-së. Ideja për të lindi më herët dhe duke kuptuar se tingëllon e këndshme, Todor Kovaçev, Petër Zhelev dhe Matej..
Vjara Pantaleeva mirëpriti pranverën dhe po hyn në verë me një këngë të re. "Përmes 100 tokave" është një rrëfim përrallor për rrugëtimin personal që secili prej nesh nis herët a vonë. Misticizmi në aspektin muzikor nënkuptohet me një motiv të lehtë..
Pjesërisht me re
Mot i kthjellët