Në ditën e dytë të konsultimeve me presidentin Rumen Radev për formimin e qeverisë, lideri i “Vëzrazhdane” Kostadin Kostadinov shprehu besimin se është e mundur të ketë një kabinet në kuadër të Kuvendit të ri Popullor. Ai e arsyetoi supozimin e tij me faktin se forcat politike jashtë të parës dhe të dytës (GERB-SDS dhe Lëvizja për të Drejta dhe Liri - DPS) kanë 125 mandate kundrejt 121 të kërkuarve.
“Formulën për daljen nga situata politike e ka vendosur votuesi bullgar duke vendosur që në parlament të ketë më shumë parti që deklarojnë se nuk do të qeverisin me GERB dhe DPS”, tha Kostadin Kostadinov. Kreu i “Vëzrazhdane” deklaroi se nëse forcat e para dhe të dyta politike nuk arrijnë të formojnë një kabinet, formacioni i tij është gati të marrë mandatin e tretë dhe të bisedojë me të gjithë pa GERB dhe DPS për të formuar një qeveri të gjerë me një figurë konsensusi për kryeministër.
Kryetari i partisë ka komentuar edhe pjesëmarrjen jashtëzakonisht të ulët të votuesve: “Një arsye për apatinë e votuesve është se janë dy parti që janë problem serioz për funksionimin e sistemit politik, dhe këto janë GERB dhe DPS. Në këto zgjedhje ka një tërheqje të mbi 500 mijë votuesve.”
Para presidentit Rumen Radev, lideri i “Vëzrazhdane” Kostadin Kostadinov ngriti çështjen për thirrjen e mundshme të Këshillit Konsultativ për Sigurinë Kombëtare me rastin e zgjedhjes së ardhshme të patriarkut bullgar. Sipas tij, kisha jonë mund të bëhet "një lidhje në planin për zbatimin e një ukrainizimi zvarritës në Bullgari". “Kam bërë një hetim ku duhet dhe kam marrë përgjigje se nuk ka një kërcënim të tillë apo kërcënim të përmasave të tilla për të cilat ju po flisni”, u përgjigj Rumen Radev.
Në takimin me përfaqësuesit e partisë së pestë më të fortë parlamentare, Partia Socialiste Bullgare (BSP), deputeti Borisllav Gucanov deklaroi se çështja e mandatit të parë dhe të dytë është shteruar, por ekziston mundësia që të bëhet një provë me mandatin e tretë për formimin e një kabineti prej ekspertësh. Ai shtoi se zgjedhja se kujt t'ia dorëzojë mandatin i takon presidentit dhe nëse është BSP, partia është e gatshme të marrë përgjegjësinë.
"Ka dy rrugë përpara BSP-së - njëra është të jemi thjeshtë vëzhgues, dhe tjetra është të përpiqemi të marrim pjesë në këto procese," komentoi Atanas Zafirov, kryetar i përkohshëm i partisë. Sipas tij, rezultati i zgjedhjeve e bën të pakuptimtë bisedën për qeveri minoritare, të propozuar dje nga GERB-BSP.
Atanas Zafirov theksoi se BSP nuk do të marrë pjesë në asnjë mënyrë në qeverisjen me GERB-in.
Lexoni më shumë:
Më 1 Nëntor shënojmë Ditën e Iluministëve të Popullit. Bullgaria është ndoshta i vetmi vend në botë që ka një festë të tillë, në të cilën bullgarët e merituar - arsimtarë, shkrimtarë dhe revolucionarë - nderohen së bashku. Kjo ditë është simbol i..
Përfaqësues të Bullgarisë dhe Maqedonisë së Veriut morën pjesë në një takim pune për hekurudhën e Korridorit Nr.8, njoftoi Ministria e Transportit. Nga institucioni saktësojnë se takimi i planifikuar për 16 tetor në Bruksel u mbajt më 31 tetor në..
Ditën e premte në mëngjes dukshmëria do të jetë e reduktuar vende-vende në lugina dhe ultësira. Temperaturat minimale do të jenë nga 5° deri në 10°, në Sofje 6°. Gjatë ditës do të mbajë mot me diell me vranësira të shpërndara. Maksimumi do të..
Mbi 1/3 prej rasteve të sëmundjes së derrit të egër afrikan në Evropë janë regjistruar në Bullgari, njofton Shoqata e Mbarështuesve të Derrave. Javën e..
Një tërmet me magnitudë 5.3 ballë të shkallës Rihter tronditi gadishullin grek Halkidiki. Lëkundjet, të cilat u regjistruan pak pas orës 19:00 të së dielës,..
Lideri i "DPS-Fillimi i Ri" Deljan Peevski i bëri thirrje qeverisë së përkohshme, të gjitha institucioneve përgjegjëse, përfshirë Kuvendin, që t'i japin..
Pjesërisht me re
Mot i kthjellët