Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin e saj artistik K.LINA dhe dueti Vëllezërit Argirovi i dhanë një tingëllim të ri një tjetër hiti të tyre nga e kaluara - "Është mirë!". Kënga pati një sukses të madh që mesa duket vendosën ta përsërisin bashkëpunimin. “Erë deti” rezulton se është prova e parë e një aktiviteti të përbashkët mes K.LINA dhe Vëllezërve Argirovi. Këngëtarja tregon më shumë:
“Fillimisht e bëmë “Erë deti” në fund të verës së kaluar, gusht e nisëm dhe tashmë ishte pak vonë, madje kisha disa versione të tekstit, sepse kjo këngë është një përgjegjësi e madhe. Pash drejtime të ndryshme në të cilat mund të shkruaja pak më shumë. Vendosa të krijoj një tekst pak më metaforik, më poetik – sikur flas me detin. Pasi më në fund e krijova këngën ashtu siç doja, hymë në stuio, ata vetë incizuan vokale të reja, refrenin, vargjet. Kështu që jam shumë e lumtur që kënduan tekstet e mia të reja.”
Ideja për një projekt të përbashkët erdhi nga miku i K.LINA-s, Rumen Rusev, i cili është edhe regjisor i dy klipeve. Pasi asistuan në një koncert të madh të Vëllezërve Argirovi verën e kaluar, me të cilin ata shënuan rikthimin e tyre në skenën bullgare, K.LINA dhe Rumen mbeten shumë të impresionuar nga energjia rinore e binjakëve, si dhe nga energjia e publikut të tyre. K.LINA kishte pak frikë t'i takonte, t'u luante këngët e saj dhe t'u ofronte të bënin diçka së bashku. “Ata janë të hapur, shumë pak këngëtarë bullgarë të estradës do t'i jepnin këngët e tyre më të mëdha kaq lehtë”, shton këngëtarja.
Refrenit të versionit origjinal të këngës nga viti 1989, me muzikë të Stefan Dimitrov dhe tekst të Georgi Borisov, i shtohen teksti dhe muzika e re nga K.LINA dhe aranzhimi i ri i Elia Zambolin. Ai është një muzikant italian me të cilin K.LINA punoi për këngët e saj më të fundit, madje përgatit një mini album me të, i cili pritet këtë vjeshtë.
K.LINA dhe Vëllezërit Argirovi njoftojnë se mesazhi më i rëndësishëm që qëndron pas videos së bukur është kauza që ata po vënë në të: “Ne duam t'u tregojmë bullgarëve se bregdeti ynë i Detit të Zi është i mrekullueshëm dhe ia vlen të vizitohet! Ne patjetër duhet t'u kthejmë njerëzve dashurinë për valët e kripura vendase dhe plazhet e arta."
Lexoni më shumë:
Përgatiti në shqip dhe publikoi: Svetllana Dimitrova
Foto: YouTube /K . L I N A, Facebook /K.LINA Music
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Kori i Fëmijëve i Radios Komb;tare Bullgare (BNR) është ndër finalistët e konkursit prestigjioz ndërkombëtar për koret joprofesionale “ Le të këndojnë..
Më 5 tetor, në sallën e dhomës "Bullgaria" në Sofje, Sllavin Peev do të festojë dy dekada në skenë me arie të njohura nga klasikët e operës. Së..