Formimi i paketës së radhës të ndihmës për Ukrainën është në fazën përfundimtare dhe ajo mund t'i paraqitet Këshillit të Ministrave sot. Këtë e bëri të ditur ministri në detyrë i mbrojtjes Atanas Zaprjanov, i cili mori pjesë në konferencën me rastin e 75 vjetorit të krijimit të NATO-së, organizuar nga Klubi Atlantik në Sofje. Për të ndihmuar Ukrainën do të ofrohen municione dhe prona, të cilat pas analizave u përcaktuan si të tepërta ose të panevojshme për ushtrinë bullgare.

Bullgaria mbështet të gjithë paketën e masave për të ndihmuar Ukrainën që të jetë në gjendje të mbrohet kundër agresionit rus, të arrijë ndërveprueshmërinë e plotë të forcave të armatosura dhe t'i afrohet anëtarësimit në Aleancë, tha Zaprjanov, cituar nga BTA. Ministri vuri në dukje se në takimin e NATO-së në Uashington, vendi ynë mbështeti vendimet për forcimin e potencialit parandalues ​​dhe mbrojtës të Aleancës. Kryeministri në detyrë, Dimitër Gllavçev, njoftoi se këtë vit Bullgaria do ta tejkalojë objektivin e përcaktuar prej 2% të PBB-së për shpenzimet e mbrojtjes dhe do të arrijë në 2,18% të PBB-së.