Nëse Lëvizja për të Drejta dhe Liri (DPS) do të shfaqej si parti monolite në zgjedhjet e ardhshme të jashtëzakonshme parlamentare të 27 tetorit, do të merrte 15.4% mbështetje nga votuesit. Forca e parë është sërish GERB me 21.9%. Këtë e tregojnë të dhënat e një sondazhi kombëtar, financuar dhe realizuar bashkërisht nga bTV dhe "Market LINKS", të zhvilluar mes 1038 personave mbi 18 vjeç në vend në periudhën 14-23 gusht 2024, duke përdorur metodat e drejtpërdrejta: intervistë personale dhe anketë online. Rezultati i DPS-së në sondazhin e fundit është një nga më të lartët e partisë, dhe kjo ndoshta për shkak të mobilizimit të të dy fraksioneve - rreth Deljan Peevskit dhe rreth kryetarit të nderit Ahmed Dogan, vërejnë sociologët. Sipas anketës, vendin e tretë e zë koalicioni “Po e vazhdojmë ndryshimin – Bullgaria Demokratike (PP-DB) - me 14.3% mbështetje nga votuesit. E ndjekur nga "Vëzrazhdane" - 11.5%, dhe Partia Socialiste Bullgare (BSP) - 6.2%. Partia “Veliçie” mbetet pak nën barrierën prej 4 për qind për të hyrë në parlament - 3.2 për qind e votuesve.