Si dukej Sofja në vitet 1970? Kësaj pyetjeje i përgjigjet ekspozita fotografike "Stacioni Sofja '70" me foto arkivore të fotografit të njohur bullgar Panajot Bërnev.
Ekspozita do të hapë dyert e saj në galerinë e kryeqytetit DOT Sofia më 3 shtator dhe do të shënojë fillimin e një sërë ngjarjesh që lidhen me njohjen dhe dokumentimin e zonës në të cilën ndodhet ndërtesa e galerisë, përkatësisht - Sofja e Vjetër, rajoni "Vëzrazhdane" dhe kryesisht “Tregu i Grave”.
Vizitorët do të mund të shikojnë disa nga fotot më të njohura të fotografit, i cili ka punuar për shumë vite në studion kinematografike “Bojana”, arkivi i të cilit përfshin foto nga rreth 7000 filma. Shëtitja e tij me fotografi fillon në vitin 1975 nga Stacioni Qendror dhe kalon nëpër vendet emblematike të kryeqytetit - Ura e Luanit, Bulevardi “Georgi Kirkov”, Rruga “Zhdanov2, para Xhamisë, Dyqanit QendrorTregtar (CUM), Sheshit “Lenin” dhe përfundon rreth bulevardit “Stambolijski”, mësojmë nga njëri prej kuratorëve – Tihomir Stojanov.
Përveç pamjes arkitekturore të Sofjes, fotografitë tregojnë edhe jetën shoqërore të asaj kohe. Po shohim shumë njerëz në rrugë, me nxitim, duke bërë pazar, duke kaluar njëri-tjetrin... "Vizitorët do të ndjejnë dinamikën e qytetit, pulsin e tij siç ishte në vitet 1970," tha Stojanov për BNR.
Ekspozita organizohet në bashkëpunim me Arkivin Vizual Bullgar dhe Klubin Kinematografik "Super 8" dhe mund të shikohet deri më 5 tetor.
Lexoni akoma:
Përpiloi: Veneta Nikollova
Foto: visualarchive.bg, Facebook / DOT Sofia
Përgatiti në shqip dhe publikoi: Vesella Mançeva
Në vjeshtën e vitit 1992, nëpërmjet një urdhri të Këshillit të Ministrave në Bullgari, u krijua Agjencia për Bullgarët Jashtë Shtetit për të koordinuar politikën shtetërore ndaj bashkatdhetarëve tanë në mbarë botën. Kryetari i parë, Georgi Danaillov,..
Edicioni i 20-të i Festivalit Botëror të Filmit të Animuar mbahet nga 11 deri më 15 shtator në Qendrën e Kongreseve në qytetin bregdetar bullgar Varna. Janë të përzgjedhur mbi 70 tituj në 7 kategori, ndër të cilët më të priturit, sipas ekipit, janë..
Janë 4 shfaqje emocionuese të kinemasë bullgare në Paris. Nga data 10 deri më 13 shtator në kryeqytetin francez do të mbahet Festivali i Kinemasë Bullgare, ndërsa edicioni i gjashtë i tij është nën moton "Së bashku më të fortë". "Këtë vit duam..
Kultura bullgare dhe traditat vendase, të cilat deri vonë dukeshin ekzotike për pjesën tjetër të botës, gradualisht po bëhen pjesë e kulturës botërore të..