Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Stacioni Hekurudhor në Plovdiv bëhet skena për një koncert kurioz

Foto: Facebook / X-R@Y

Stacioni Qendror Hekurudhor në Plovdiv mirëpret grupet e njohura X-R@Y dhe Uikeda për një koncert falas më 14 shtator. Përveç tyre, publiku do të ketë mundësinë të shohë edhe dy ansamble folklorike - "Ravnec" dhe "Klementina". Ky është eventi i tretë në kuadër të projektit "Koncerte në Stacion", i cili realizohet me mbështetjen financiare të Fondit Kombëtar "Kultura”. Pak kohë më parë në emisionin "Trezor" në Programin "Hristo Botev" të Radios Kombëtare Bullgare, vokalisti i X-R@Y Veselin Kirev tha:

"Ideja lindi spontanisht, megjithëse një përvojë të ngjashme të improvizuar e kishim 11 vjet më parë, kur u mbushën 125 vjet nga themelimi i Hekurudhave Shtetërore Bullgare. Më pas Stacioni Qendror Hekurudhor në Sofje u bë një skenë e improvizuar. Mua vetë më pëlqen të udhëtoj me tren, përveç kësaj të dy gjyshërit e mi ishin punëtorë hekurudhor”.

Si një nga shpikjet e epokës industriale që ka ndryshuar rrënjësisht botën tonë gjatë afro 200 viteve të fundit, hekurudha ka provokuar gjithmonë krijuesit. Sipas shumë studiuesve, ajo është frymëzimi kryesor i gjithë muzikës moderne botërore nga vitet 20 të shekullit të 20-të e deri në ditët e sotme. Trenat dhe stacionet kanë frymëzuar muzikantë si Beatles, Rolling Stones, Queen, David Gilmore e shumë të tjerë, por sigurisht do të shtojmë edhe kontributin bullgar me këngët e Lili Ivanova, Vasill Najdenov, FSB, Faktor, BTR, Stefan Vëlldobrev, Kamen Donev dhe Maja Bezhanska, Stenli dhe vetë Uikeda, të cilët do të vizitojnë Plovdivin më 14 shtator.

Ju urojmë minuta të këndshme me interpretimin e X-R@Y  “Këngë për jetën”.

Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

"Vrapoj" – projekti i ri melodik i interpretuesve IVE dhe Chaz

Këngëtarja Ivelina Kollaksëzova - IVE dhe autori, producent dhe interpretues me popullaritet në rritje Ljubomir Bojanov - Chaz prezantuan këngën e tyre të re "Vrapoj". Ajo është një vazhdim i historisë për të cilën ata bënë aluzion në këngën e tyre..

botuar më 25-03-31 6.10.PD
Prova e

"Rigoletto" është premiera e parë e operës në vitin e përvjetorit të Operës së Stara Zagorës 2025

Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe..

botuar më 25-03-27 6.10.PD

Kristian Kostov bën një fillim të ri me këngën e tij "Unë jam ti"

Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..

botuar më 25-03-26 6.05.PD