Një ekip i Operatorit Shtetëror të Aviacionit është gati të fluturojë për në Liban menjëherë sapo të ketë dritë jeshile për evakuimin me faza të bullgarëve atje. Kështu i është raportuar kryeministrit në detyrë Dimitër Gllavçev të hënën në mëngjes në mbledhjen e Këshillit të Ministrave për situatën në Bejrut. Janë përcaktuar edhe zyrtarët e Ministrisë së Jashtme që do të shoqërojnë grupin e parë të të evakuuarve. Aktualisht, në fluturimin e organizuar nuk ka asnjë bullgar që ka kërkuar strehim. Por Ministria e Punëve të Brendshme është gati të ndihmojë me bazat e saj. Opsione të tjera për evakuimin e bullgarëve nga Bejruti, duke përfshirë rrugë tokësore, vazhdojnë të shqyrtohen, njoftoi qeveria. Me shumë mundësi, bashkatdhetarët tanë në Liban do të evakuohen me dy fluturime të aeroplanit qeveritar, njoftoi nga Varna ushtruesi i detyrës së ministrit të mbrojtjes Atanas Zaprjanov, transmeton BTA.