Në një konferencë të përbashkët për shtyp në Shkup me kryeministrin e Maqedonisë së Veriut, Hristijan Mickoski, presidentja e Komisionit Evropian, Ursula von der Leyen, deklaroi se fqinji ynë duhet të bëjë ndryshimet e pritura kushtetuese, përkatësisht përfshirjen e bullgarëve në preambulën e kushtetutës së tij. Këtë e ka bërë të ditur korrespondentja e BNR në Bruksel, Angelina Piskova.

Presidentja e Komisionit Evropian vizitoi Maqedoninë e Veriut në kuadër të turneut të saj në Ballkanin Perëndimor. "Në të vërtetë, puna për ndryshimet kushtetuese duhet të vazhdojë. Për mua kjo është shumë e rëndësishme. Është gjithashtu në interes të Maqedonisë së Veriut. Prandaj, dua t'ju siguroj se së bashku do të bëjmë të gjithë hapat përpara për të arritur qëllimin tonë të përbashkët. Ne duam të shkruajmë kapitullin tjetër të së ardhmes sonë të përbashkët”, tha Von der Leyen.