Grupi “DEEP ZONE Project” po përgatit eventin e tij më të mirë të vitit – për herë të parë grupi po organizon “DEEP ZONE All Stars”, duke bashkuar të gjithë solistët e tij dhe bashkëpunimet gjatë viteve të kaluara. Dhe ata nuk janë të paktë në çerek shekullin e fundit - mes tyre janë Miro, Krisko, Desi Dobreva, “Gumeni Gllavi”, Atanas Kolev, të gjithë këngëtarët e projektit - Joanna, Nadja, Nelina, e jo vetëm... Më 15 nëntor në Pirotska 5 Event Center presim t'i shohim të gjithë në një skenë në këtë “festë-koncert-disko”. Për ta bërë mbrëmjen edhe më të veçantë, DJ Dian Solo - Dian Savov, “motori” kryesor dhe bashkëthemeluesi i “DEEP ZONE Project” në 1999 - do të festojë gjithashtu përvjetorin e tij personal:
“Kam në plan të festoj edhe ditëlindjen time të 50-të, sepse nuk ka një vend më të mirë për të festuar një jubile se në skenë, me të gjithë ju, njerëz të mrekullueshëm, dhe me të gjithë artistët me të cilët fati më ka takuar gjatë këtyre viteve. Ne kemi përgatitur një “festë-koncert-disko-maratonë” tre orëshe, duke realizuar të gjitha hitet tona origjinale, si dhe hitet e mëdha që kemi me këta artistë. Ne kemi përgatitur edhe disa surpriza, do të ketë disa premiera botërore të këngëve krejt të reja. Do të ketë edhe një shfaqje fantastike me laser - për herë të parë do të ndodhë një gjë e tillë në Sofje."
Po zhytemi në atmosferën e festës së “DEEP ZONE Project” me një regjistrim krejt të ri të këngës popullore bullgare "U përmbys mali" ("Prituri sa planinata"). Orkestrimi i ri i këngës është vepër e DJ Dian Solo. Kënga fitoi famë botërore me performancën magjepsëse të Stefka Sëbotinovës, ndërsa tani është regjistruar me këngëtaren popullore Tatjana, e cila u kthye së fundmi nga SHBA me titullin “Miss Frymëzimi”. Sipas Dianit, në këtë melodi ka shumë histori, shumë muzikë, shumë nostalgji dhe shumë bukuri bullgare. Dhe ai beson se kjo muzikë e bukur bullgare duhet t'ua transmetohet brezave.
Foto: Facebook/ DJ Dian Solo, Facebook/ Tatjana, arkiv
Përgatiti në shqip dhe publikoi: Vesella Mançeva
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..
Konkursi i 8-të Ndërkombëtar i Violinës "Vasko Abaxhiev" do të mbahet në Sofje nga 20 deri më 23 nëntor me një interes rekord. Organizatorët nga Klubi i..
Hite roku me tekste dhe mesazhe serioze me të cilat është rritur më shumë se një brez – kjo është ajo që gjejmë në albumin e ri të grupit "Faktor", të..
"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana..
Reshje
Vranësira
Vranësira të dendura me shi
Vranësira të dendura