Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Verë e zier, survaçka dhe rrota ferri - fryma e Krishtlindjeve në Sofje

Marijana Dimova dhe survaçkat e saj
Foto: Veneta Nikollova

Kush thotë se bullgarët janë njerëz të vrenjtur dhe pesimistë? Shëtisni nëpër tregjet e Krishtlindjeve të Sofjes dhe do të mbeteni me një përshtypje krejtësisht të ndryshme. Mjaftojnë dekorimet festive, muzika, dëfrimet dhe tezgat e mbushura me ëmbëlsira dhe suvenire të punuara me dorë, për të na bërë të harrojmë, qoftë edhe shkurt, krizat, luftërat dhe kaosin që na rrethojnë dhe na çojnë në një atmosferë ngrohtësie dhe optimizmi.

Dekorimet e Krishtlindjeve të bëra me dorë krijojnë gjithmonë një humor të mirë

Pranë Pallatit Kombëtar të Kulturës në kryeqytet, shkëlqen një pemë e Krishtlindjeve e zbukuruar me lodra të bëra nga fëmijët dhe aty pranë janë të shpërndara tezgat e "Sofia Christmas Fest 2024". Verë dhe raki e zier ofrohen në çdo hap, dhe frymën e Krishtlindjes e plotëson kuzhina e larmishme ndërkombëtare. “Po marr pjesë në pazar për të ndjerë edhe më shumë frymën festive” – thotë shitësja Roksana Karaasenova, teksa na përgatit çokollatë të ngrohtë natyrale me marshmallou dhe shton:

Roksana Karaasenova

"Të gjithë janë jashtëzakonisht të kënaqur që tregu është rritur me afro 20 shtëpi, ndërsa vitin e kaluar ishin shumë më pak. Aktualisht ka një asortiment më të madh, duke përfshirë artikujt e ëmbël. Kemi një rrotë ferri, një rrëshqitje për fëmijë, një poligone qitjeje, ku mund të fitojnë çmime. Ka se çfarë të shihet dhe medoemos duhet vizituar.”

Sofianasit i kujtojnë pazaret nga koha e socializmit, si një kopje të zbehtë të atyre të sotme. Ato mbaheshin në ditën e Vitit të Ri dhe theksi ishte më së shumti te skara dhe vera e zier, dhe delikatesat e importuara ishin "terra incognita" për popullsinë. Këto ditë pazaret po bëhet gjithnjë e më shumë vit pas viti dhe po pasurohen. Dhe këtu është Plaku i Krishtlindjeve! Të gjithë flasin me të, të gjithë duan të bëjnë një foto me të!

Plaku i Krishtlindjeve

"Këtu morali është shumë i mirë. Fëmijët vijnë me prindërit e tyre dhe atmosfera është festive. Ka një rrotë ferri, argëtime, ëmbëlsira, meze dhe është një vend i këndshëm. Çfarë mbaj mend nga tregjet e Krishtlindjeve në atë kohë? Ato nuk ishin shumë të këndshme, por atëherë dimrat ishin më të ftohtë dhe nuk ishte shumë komode për të qëndruar jashtë. Atëherë kishim Plakun e Vitit të Ri, por ai mbeti në Rusi me Putinin” – bën shaka Plaku i Krishtlindjeve, gjersa në stolin pranë tij ulet Bella e vogël për një foto. "Ajo është e sjellshme dhe Plaku i Krishtlindjeve i premtoi asaj një dhuratë" - thotë nëna e saj Beatris Koljuva dhe shton:

Beatris Koljuva me Bellan e vogël dhe babin

“Kam shumë kohë që dëgjoj për pazarin, por meqë vajza ime ishte e sëmurë, nuk kishim mundësi të dilnim, tani jemi më mirë dhe erdhëm, po shohim se ka atraksione të mrekullueshme dhe produkte të bukura. Ndihemi shumë më mirë.”

Ndalemi para tezgës më shumëngjyrëshe të pazarit, ku shiten survaçkat e bukura të Marijana Dimovës:

Bëhen me dru thane për shëndetin dhe mbi të vihen të gjitha llojet e kokoshkave dhe frutave të thata. Kjo është tradita – përdoret edhe lesh. Për fat të mirë njerëzit i blejnë, sepse ato ende i ruajnë traditat, sepse ato janë një gjë shumë e rëndësishme”, thotë Marijana Dimova.

Survaçkat tradicionale janë ndër dhuratat më të shitura

Tani është koha për të blerë dhuratat e Krishtlindjeve. Këtu gjithçka është punuar me dorë me shije dhe imagjinatë. “Ne jemi pjesëmarrës krenarë në këtë festë të mrekullueshme të Krishtlindjeve”, thotë Desi, duke shtuar:

Desi uron që në Vitin e Ri të besojmë në mrekulli, sepse ato ndodhin!

"Ne kemi stoli të mrekullueshme për Pemën e Krishtlindjeve, çdo gjë e bëjmë me dorë. Biznesi ynë është i vogël familjar - mami, gjyshja dhe fëmija. Kemi gota të mrekullueshme të Krishtlindjeve për të gjithë familjen, sepse festat janë për familjen dhe për të qenë bashkë. Uroj që njerëzit të jenë të shëndetshëm, sepse mund të blejmë gjithçka, pa shëndetin, dhe të besojnë se ka mrekulli, sepse ato ndodhin, sidomos gjatë festave.”

Lexoni më tepër:

Foto: Veneta Nikollova
Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Ministria e Turizmit hapi sezonin veror të vitit 2025

Ministria e Turizmit hapi sezonin turistik veror për vitin 2025 me një ngjarje frymëzuese në Pomorie - një qytet që kombinon detin, historinë, kulturën dhe mundësitë për balneologji dhe turizëm SPA."Një fillim ndryshe për verën e vitit 2025! Paç..

botuar më 25-06-02 8.34.PD

Kopshti Zoologjik i Sofjes rihapet për Ditën e Fëmijëve

Sivjet Dita e Fëmijëve ka një përvjetor - 1 qershori 2025 shënon saktësisht 100 vjet që nga shpallja e datës për Ditën Ndërkombëtare të Fëmijëve. Kjo ndodhi në vitin 1925 në një konferencë botërore në Gjenevë. Tradita dikton që dita të jetë plot..

botuar më 25-06-01 8.00.PD

Qendra ekonomike e Bullgarisë Veriperëndimore - Vraca, feston

Vraca dhe rajoni janë vendosur vitet e fundit si qendra ekonomike e rajonit Veriperëndimor të Bullgarisë. Sipas të dhënave më të fundit nga Instituti Kombëtar i Statistikave, të cilat mbulojnë vitin 2023, rajoni i Vracës renditet i treti në..

botuar më 25-06-01 6.50.PD