Nuk bëhet fjalë për përfundimin e tranzitit të gazit natyror nga Rusia përmes Bullgarisë. Kështu shkruan agjencia shtetërore ruse TASS, pasi ministri bullgar i energjisë, Vlladimir Malinov, paralajmëroi se “Bulgartransgaz” mund të ndalojë transportimin drejt Serbisë dhe Hungarisë, nëse nuk dihet se si do të paguhet pas 20 dhjetorit.

Pagesa vihet në pikëpyetje për shkak të sanksioneve që SHBA vendosi ndaj “Gazprombank”. Përfundimi i tranzitit të gazit rus përmes Bullgarisë është zgjidhja e fundit dhe për momentin nuk bëhet fjalë për këtë, vë në dukje një burim i paidentifikuar i konsideruar nga TASS si i afërt me Bulgargaz.

Pagesa tjetër duhet të bëhet deri më 20 dhjetor, kur skadon periudha e tranzicionit e imponuar nga SHBA. Nëse problemi nuk zgjidhet, do të hyjnë në fuqi mekanizmat e zgjidhjes së mosmarrëveshjeve të parashikuara në traktatin ruso-bullgar. Mund të rezultojë me gjoba me vonesë. Një tjetër opsion është që vendet marrëse të paguajnë për tranzitin, komentoi burimi.