Kreu i shtetit Rumen Radev ia dorëzoi Shenjën e Nderit Radios Kombëtare Bullgare (BNR). Distinktivin e nderit e mori drejtori i përgjithshëm i BNR-së, Milen Mitev, gjatë koncertit solemn në Operën dhe Baletin e Sofjes me rastin e 90-vjetorit të Radios Kombëtare Bullgare dhe për shkak të zbatimit pa ndërprerje të misionit publik dhe kontributit të përgjithshëm të Radios Kombëtare Bullgare në formimin dhe konsolidimin e imazhit dhe autoritetit bashkëkohor të gazetarisë bullgare dhe kulturës bullgare në një plan kombëtar dhe global.

Para se të lexonte dekretin, presidenti tha: “Duke përballuar sprova të shumta, peripecitë historike dhe presionin politik ndër vite, radioja ka arritur të ruajë misionin e saj më të rëndësishëm - të arrijë në çdo shtëpi bullgare, të sigurojë informacion në kohë dhe objektiv dhe të imponojë standarde të larta në gazetari. Prandaj është bërë një institucion i vërtetë që ia del mbanë në gjënë më të rëndësishme - të fitojë besimin e bullgarëve.

• Radioja Kombëtare Bullgare dorëzoi çmimet e saj vjetore "Sirak Skitnik"

• Radioja Kombëtare Bullgare mbush 90 vjet – një histori krenarie dhe pa paragjykime!

• Radioja Kombëtare Bullgare feston përvjetorin e saj të 90-të me aktivitete të ndryshme