Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Hapet zyrtarisht Dhoma e Tregtisë Bullgari-Shqipëri

Foto: Facebook/Ambasada Shqiptare në Sofje

Ditën e sotme, më datën 27 janar 2025, u zhvillua ceremonia e hapjes së Dhomës së Tregtisë Bullgari-Shqipëri. Kjo është një iniciativë e përbashkët e Ambasadës së Republikës së Shqipërisë në Sofje, z. Ivan Anchev, themelues i Arkadia Solution Ltd dhe z. Ervis Taluri.

Ceremonia u hap me fjalët përshëndetëse të ambasadores së Shqipërisë në Sofje, shkëlqesia e saj znj. Inid Milo, e cila vleresoi bashkëpunimin me z. Ivan Anchev dhe z. Ervis Taluri, si dhe përkushtimin e tyre. Ajo theksoi se Dhoma e Tregtisë do të shërbejë si një urë që bashkon idetë, bizneset dhe sipërmarrjet duke ndihmuar në realizimin e projekteve të përbashkëta ekonomike. 

Dhoma e Tregtisë Bullgari-Shqipëri do të luajë një rol të rëndësishëm në fushën e investimeve si dhe mbështetjen e inovacionit në turizëm, energjinë e rinovueshme dhe tregtinë. Falë saj do të forcohet bashkëpunimi brenda komunitetit shqiptar dhe bullgar në fushën e biznesit në një hapësirë unike që lidh edhe diasporën me rrënjët e saj.
Në ceremoninë e hapjes ishin të pranishëm edhe Ambasadori i Kosovës, shkëlqesia e tij z. Haxhi Bajraktari, Ambasadorja e Maqedonisë së Veriut, shkëlqesia e saj znj. Agnesa Rusi Popovska, si dhe diplomatë të tjerë nga trupi diplomatik në Sofje, biznesmenë të njohur shqiptarë dhe bullgarë, drejtues të Universitetit Amerikan në Bullgari, drejtues të Ministrisë se Jashtme të Bullgarisë, anëtarë të diasporës dhe komunitetit shqiptar në Bullgari, studentë shqiptarë, përfaqësues të medias etj. Në këtë ceremoni ishin prezentë gjithashtu edhe z.Tsvetan Simeneov, President i Dhomës së Tregtisë dhe Industrisë së Bullgarisë, Presidenti i Ndërmarrjeve të Vogla dhe të Mesme në Bullgari, z. Vladimir Vladimirov, anëtar i Bordit drejtues të Dhomës së Tregëtisë Bullgari-Shqipëri, si dhe shumë personalitete të tjerë.

Dhoma e Tregtisë Bullgari-Shqiperi, e cila do te drejtohet nga Drejtori Ekzekutiv z. Ervis Taluri dhe z. Ivan Anchev, me Presidente të Bordit znj. Arjeta Puca, është një iniciativë që premton zhvillim, inovacion për komunitetet bullgare dhe shqiptare, dhe është një hap i rëndësishëm drejt një të ardhmeje më të ndritur dhe të bashkuar.

Foto: Facebook/ Albanian Embassy in Sofia

Publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Të ardhurat e familjeve bullgare në vitin 2024 kanë tejkaluar shpenzimet

Rritja vjetore e të ardhurave tejkalon rritjen e shpenzimeve në vitin 2024. Sipas të dhënave nga Instituti Kombëtar i Statistikave në vitin 2024, të ardhurat mesatare vjetore totale për person në një familje arrijnë në 12,857 leva. (6573,68 euro) dhe..

botuar më 25-04-17 2.37.MD

Biznesi bullgar pret një rënie prej 5 deri në 30% për shkak të tarifave të reja amerikane

Gjysma e kompanive nga Asociacioni i Kapitalit Industrial në Bullgari besojnë se tarifat mbi importet e mallrave nga BE-ja të shpallura nga presidenti i SHBA-së Donald Trump nuk do të ndikojnë drejtpërdrejt në biznesin e tyre. 1/3 e punëdhënësve të..

botuar më 25-04-17 10.32.PD

Çmimet e banesave në Bullgari u rritën 2-3 herë në 10 vjet

Gjatë 10 viteve të fundit, çmimet e banesave në Sofje u trefishuan, dhe në qytetet e mëdha më shumë se dy herë. Kjo është sipas të dhënave nga një prej kompanive më të mëdha të ndërmjetësimit në tregun bullgar. "Nëse në vitin 2015 në Sofje mund të..

botuar më 25-04-16 4.05.PD