Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

"Është vonë" – një këngë e frymëzuar nga forca e gruas bullgare për ta mbrojtur dashurinë

Foto: YouTube/DIA Official

Besnike ndaj stilit të saj karakteristik etno me një tingull bashkëkohor, Dimana Mirçeva, e njohur si DIA, na prezanton këngën e saj më të fundit - "Është vonë". Në të, këngëtarja dhe kantautorja bazohet në mesazhet e saj, si gjithmonë duke u mbështetur në legjendat dhe besimet bullgare, të cilat i sjell në botën moderne. Këtë herë DIA gjen frymëzim në forcën e gruas bullgare:

"Ka legjenda për forcën e gruas bullgare - gra shumë të forta, që mbrojnë pozicionin e tyre. Ato kanë qenë vatra e shtëpisë, kanë treguar stoicizëm, duke ruajtur familjen dhe dashurinë. Gratë bullgare dikur kanë luftuar në emër të dashurisë së tyre, edhe nëse ndonjëherë kjo ka kërkuar ndërprerjen e lidhjeve me familjen. Prandaj këndoj në këngën “nëpër nëntë male në të dhjetën” – kjo do të thotë aq larg sa askush të mos të gjej...”


Muzika dhe teksti i "Është vonë" janë tërësisht origjinale - nga vetë DIA, e cila ka transformuar një histori po aq të lashtë sa bota në prizmin e kohëve moderne. Autori i orkestrimit të këngës është Aleks Nushev. Në krijimin e tij u përfshi gjithashtu muzikanti dhe multiinstrumentisti popullor turk Ali Farbodnia. DIA e zbuloi atë në rrjetet sociale dhe e kërkoi për të treguar historinë e saj me dudukun armen – një tingull që, sipas këngëtares, i përshtatet shumë kësaj kënge.


Përpiloi: Diljana Traçeva

Foto: YouTube/DIA Official, Petër Simeonov

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Për Shën Cecilian – një koncert në kujtim të organistit virtuoz Janko Marinov

Më 16 nëntor 2025 në orën 19:30 në katedralen katolike "Shën Jozefi" në Sofje do të mbahet një koncert barok, i dedikuar festës së mbrojtëses së muzikës kishtare – martires romake shenjtja Cecilia. Koncerti "Cantantibus organis" është pjesë nga një seri..

botuar më 25-11-14 2.00.MD
Janka Rupkina

Kryevepra të kulturës muzikore bullgare – “Kalimanku Denku” – një perlë në krijimtarinë e këngëtares Janka Rupkina dhe kompozitorit Krasimir Kjurkçijski

Përgatiti në shqip dhe publikoi: Svetllana Dimitrova Foto: BTA, arkiv, Facebook/ Yanka Rupkina (Zyrtare), arkiv personal

botuar më 25-11-14 6.05.PD

“Tufë e bekuar” – Kori “Nusha” prezanton albumin e tij më të ri

Popullarizimi dhe interpretimi i muzikës popullore bullgare prej kohësh është misioni i këngëtares, dirigjente dhe pedagoge, Neli Andreeva . Ajo është e njohur edhe për pjesëmarrjen e saj në formacione të ndryshme, përfshirë edhe Korin “Nusha” ,..

botuar më 25-11-13 6.10.PD